დღეიდან თბილსერვის ჯგუფის ზედამხედველობის სამსახურის ინსპექტორები გარემოს დაბინძურებისთვის მოქალაქეების დაჯარიმებას დაიწყებენ. სხვადსხვა შემთხვევაში ნარჩენებით გარემოს დაბინძურებისთვის სხვადასხვა მოცულობის ფულადი ჯარიმაა გათვალისწინებული.

ჯარიმები, რომელიც გათვალისწინებულია ნარჩენების მართვის კოდექსით:

  • ორ კგ-მდე მუნიციპალური ნარჩენით გარემოს დანაგვიანება - 80 ლარი, იგივე ქმედება ჩადენილი შენობა-ნაგებობიდან - 100 ლარი;
  • ორ კგ-ზე მეტი მუნიციპალური ნარჩენით გარემოს დანაგვიანება - 150 ლარი, იგივე ქმედება ჩადენილი შენობა-ნაგებობიდან - 500 ლარი;
  • ძაღლის ან სხვა შინაური ცხოველის მცირე ოდენობის ფეკალური მასით ტერიტორიის დაბინძურება- 50 ლარი (პასუხისმგებლობა არ დაეკისრება მეპატრონეს, თუ იგი დაუყონებლივ და სრულად მოასუფთავებს დაბინძურებულ ტერიტორიას);
  • ხუთ ერთეულამდე საბურავით გარემოს დანაგვიანება (ველოსიპედის საბურავის გარდა) - 150 ლარი;
  • ხუთი ერთეული ან ხუთ ერთეულზე მეტი საბურავით გარემოს დანაგვიანება (ველოსიპედის საბურავის გარდა) - 500 ლარით.

სახიფათო ნარჩენებით გარემოს დანაგვიანება ან სხვა ქმედება, ჩადენილი ნარჩენების შეგროვების კონტეინერის გარეთ:

  • ფიზიკური პირი - 400 ლარი;
  • იურიდიული პირი -1000 ლარი.

თბილისის მერიის პრესსამსახურის ინფორმაციით, თბილსერვის ჯგუფის ინსპექტორები თბილისში 3 აპრილიდან მოძრაობენ. ამ დრომდე ისინი ქალაქის დაბინძურებისთვის მოქალაქეებს არ აჯარიმებდნენ და მხოლოდ საჯარიმო სანქციების შესახებ აწვდიდნენ ინფორმაციას.