28 თებერვალს ცნობილ ბრიტანელ მსახიობ ბენედიქტ კამბერბეჩს ჰოლივუდის დიდების ხეივანში ვარსკვლავი გაუხსნეს. ამ მნიშვნელოვან დღეს მსახიობმა უკრაინაში რუსეთის შეჭრის შესახებ ისაუბრა და უკრაინას მხარდაჭერა გამოუცხადა:

"ჩემი ცხოვრების ამ საოცარი მომენტში არ შემიძლია, ეს გამორჩეული შესაძლებლობა უკრაინაში მიმდინარე მოვლენებზე საუბარს არ დავუთმო და ჩემი მხარდაჭერა არ გამოვუცხადო უკრაინელ ხალხსა და რუსეთის მოქალაქეებს, რომლებიც კლეპტოკრატიასა და საკუთარი მმართველების იდიოტიზმსა და ამ სისასტიკის შეუჩერებლობას ეწინააღმდეგებიან. ახლა ფიქრსა და ლოცვაზე მეტი უნდა გავაკეთოთ — უნდა ვიმოქმედოთ, შევიდეთ საელჩოების ვებგვერდებზე და გავიგოთ, რისი გაკეთება შეგვიძლია, როგორც მსოფლიოსა და ევროპის მოქალაქეებსა და ადამიანებს, რომლებსაც უკეთესი მომავალი გვინდა ამ საშინელ მდგომარეობაში მყოფი ხალხისთვის, მათი შვილებისა და ოჯახებისთვის, რომლებიც ქალაქებში ბომბების წვიმისგან გადარჩენას ცდილობენ", — ამბობს ბენედიქტ კამბერბეჩი.

ბენედიქტი გულშემატკივრებსა და საზოგადოებას სთხოვს, რომ აქტიურ მოქმედებაზე გადავიდნენ და შესაბამის ორგანიზაციებსა და ლტოლვილებს დაეხმარონ. მსახიობი ხალხს ურჩევს, პოლიტიკოსებს, ბანკებსა და სხვადასხვა სფეროების წარმომადგენლებსაც მოქმედებისკენ მოუწოდონ.

შეგახსენებთ, რომ 24 თებერვალს რუსეთი უკრაინაში შეიჭრა და ომი წამოიწყო.