ევროკავშირი ბელარუსს სანქციებს დაუწესებს. ევროკომისიის პრეზიდენტის, ურსულა ფონ დერ ლაიენის განცხადებით, სანქციები მათ "ყველაზე მნიშვნელოვან სექტორებს დაარტყამს".

"ჩვენ ამ ომში სხვა აგრესორს, ლუკაშენკოს რეჟიმს, სანქციების ახალი პაკეტით მიზანში ამოვიღებთ, რაც მათ ყველაზე მნიშვნელოვან სექტორებს დაარტყამს", — წერს ლაიენი

გარდა ამისა, ცნობილი გახდა, რომ სანქციების ახალი პაკეტით ევროკავშირი რუსეთისთვის საჰაერო სივრცეს ხურავს, ოლიგარქების კერძო თვითმფრინავების ჩათვლით. ლაიენის განცხადებით, ისინი ვერ შეძლებენ ევროკავშირის ტერიტორიაზე დაშვებას, აფრენას ან გადაფრენას.

სანქციები პროპაგანდისტულ Russia Today-ისა და Sputnik-ს შეეხება. კერძოდ, ევროკავშირში ისინი და მათი შვილობილი კომპანიები აიკრძალება.

"ჩვენ ვამუშავებთ ინსტრუმენტებს მათი ტოქსიკური და მავნე დეზინფორმაციის აკრძალვის მიზნით ევროპაში", — წერს ლაიენი.

ყველა ეს ზომა გუშინ წარდგენილი სანქციების პაკეტის დამატებაა. ლაიენის თქმით, ისინი შეთანხმებულია საერთაშორისო პარტნიორებთან.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში