ევროკავშირი რუსეთისთვის საჰაერო სივრცეს ხურავს, ოლიგარქების კერძო თვითმფრინავების ჩათვლით. ევროკომისიის პრეზიდენტის, ურსულა ფონ დერ ლაიენის განცხადებით, ისინი ვერ შეძლებენ ევროკავშირის ტერიტორიაზე დაშვებას, აფრენას ან გადაფრენას.

"პირველ რიგში, ჩვენ ვხურავთ ევროკავშირის საჰაერო სივრცეს რუსეთის კუთვნილი, რუსეთში რეგისტრირებული ან რუსეთის მიერ კონტროლირებადი თვითმფრინავებისთვის", — განაცახდა ლაიენმა.

გარდა ამისა, ცნობილი გახდა, რომ რუსეთის სანქციების ახალი პაკეტი პროპაგანდისტულ Russia Today-ისა და Sputnik-ს შეეხება, ასევე, ბელარუსს. კერძოდ, ევროკავშირში Russia Today, Sputnik და მათი შვილობილი კომპანიები აიკრძალება.

"ჩვენ ვამუშავებთ ინსტრუმენტებს მათი ტოქსიკური და მავნე დეზინფორმაციის აკრძალვის მიზნით ევროპაში", — წერს ლაიენი.

რაც შეეხება ბელარუსს, ლაიენი ამბობს, რომ "ამ ომში სხვა აგრესორს, ლუკაშენკოს რეჟიმს" სანქციების ახალი პაკეტით მიზანში ამოიღებენ, რაც მათ ყველაზე მნიშვნელოვან სექტორებს დაარტყამს".

ყველა ეს ზომა გუშინ წარდგენილი სანქციების პაკეტის დამატებაა. ლაიენის თქმით, ისინი შეთანხმებულია საერთაშორისო პარტნიორებთან.

დამატებითი ინფორმაცია უკრაინაში მიმდინარე მოვლენებზე განახლებად რეჟიმში შეგიძლიათ ნახოთ აქ:

იმისთვის, რომ არ გამოგრჩეთ უკრაინაში მიმდინარე პროცესებთან დაკავშირებული სიახლეები, შემოგვიერთდით ჯგუფში — რა ხდება უკრაინაში