რუსეთმა უკრაინის წინააღმდეგ სრულმასშტაბიანი ომი დაიწყო. უკვე რამდენიმე საათია, მთელი მსოფლიო ადევნებს თვალს უკრაინაში განვითარებულ ტრაგიკულ მოვლენებს: უკრაინის დიდი ქალაქები რეგულარულად იბომბება, რასაც მსხვერპლიც თან ახლავს.

თუ უკრაინის დახმარების სურვილი გაქვთ, თუმცა არ იცით, ეს ზუსტად როგორ უნდა გააკეთოთ, ამ სტატიაში რამდენიმე გზას გთავაზობთ:

1. ფინანსური დახმარება

ნებისმიერ მსურველს შეუძლია, რომ უკრაინას ფინანსურად დაეხმაროს, რისთვისაც რამდენიმე ორგანიზაციების ჩამონათვალს გთავაზობთ. თითოეულ ვებგვერდზე საბანკო ანგარიშის ნომრებია მითითებული, რომლებზეც თანხის ჩარიცხვა შეგიძლიათ:

2. საკვები და თავშესაფარი შესთავაზოთ საქართველოში მყოფ უკრაინის მოქალაქეებს

  • ამის სურვილი უკვე გამოთქვეს ადგილობრივებმა — როგორც რიგითმა პირებმა, ისე კერძო კომპანიებმა და უკრაინის მოქალაქეებს დახმარებას სთავაზობენ, იქნება ეს სახლი, თავშესაფარი თუ სხვა ტიპის საჭიროება. ნებისმიერ დროს და ფორმით შეგიძლიათ შეუერთდეთ ამ ინიციატივას.
  • შეგიძლიათ, საქართველოში მყოფ უკრაინელებს ამ ფორმითაც დაეხმარო: უკრაინის მოქალაქეები და ტურისტები ომის გამო ვერ ბრუნდებიან უკრაინაში, შესაბამისად, მათ სჭირდებათ განთავსება, კვება და ზოგადი მხარდაჭერა. ფეისბუქის ჯგუფში, სახელად Spend 4 Seasons in Georgia, აქტიურად ვრცელდება ინფორმაცია ასეთ მოთხოვნებთან დაკავშირებით.
  • უკრაინელი ხალხის მხარდასაჭერი ქართული პლატფორმა Strongertogether.ge შეიქმნა, სადაც ნებისმიერი ადამიანს შეუძლია გაუგზავნოს მხარდამჭერი შინაარსის წერილი, ან უკრაინელებს შესთავაზოს სახლი, ტრანსპორტი და სამედიცინო დახმარება.
  • ასევე, თუ კი პირადად ვერ ახერხებთ საქართველოში უკრაინელებისთვის დახმარებას, გააზიარეთ ტურიზმის ეროვნული ადმინისტრაციის ცხელი ხაზის ნომერი და სოციალური ქსელის ბმული: ცხელი ხაზი 0 800 800 909 24 საათის განმავლობაში ფუნქციონირებს.

3. მთავრობისთვის უკრაინის დახმარების მოთხოვნა

ყველასთვის ნათელია, რომ საქართველოს მთავრობა უკვე დიდი ხანია, ამ საკითხის შესახებ მკაფიო პოზიციასაც არ აფიქსირებს და მოქალაქეებს შეუძლიათ, მოუწოდონ ხელისუფლებას, რომ ერთი მხრივ რუსეთის მიმართ მკაცრი პოლიტიკა გაატაროს, ამავდროულად კი უკრაინას სამხედრო ან სხვა სახის დახმარების გაგზავნა შესთავაზოს.

შეგიძლიათ, ომის საწინააღმდეგო გამოსვლები თქვენს ქალაქში მოაწყოთ და თქვენი სიტყვის თავისუფლება გამოიყენოთ. ამისთვის კი ღონისძიების დარეგისტრირება Stopputin.net-ზე შეგიძლიათ.

4. გადამოწმებული ინფორმაციის გავრცელება

ცნობილია, რომ რუსეთი სამხედროსთან ერთად საინფორმაციო ომსაც აწარმოებს, ამიტომ მნიშვნელოვანია, სანდო ინფორმაცია მიიღოთ და სხვებსაც გაუზიაროთ ის. ამისათვის, მაგალითად, შეგიძლიათ, ჩვენს ვებგვერდზე ადევნოთ თვალი მუდმივ რეჟიმში განახლებულ ამბებს და ასევე ამ თემის ირგვლივ ყველა მასალა ფეისბუქჯგუფში რა ხდება უკრაინაში ნახოთ.

სოციალური ქსელების მეშვეობით ხელისუფლებისგან საქართველოში რუსული და პრორუსული პროპაგანდისტული არხების და ორგანიზაციების აკრძალვა შეგიძლიათ მოითხოვოთ. ამ არხებისა და ორგანიზაციების მოკლე ჩამონათვალი ასეთია: Sputnik Georgia, Спутник Грузия, ტელეკომპანია ობიექტივი, ალტ-ინფო და ა.შ.

უკრაინის ომის შესახებ ინფორმაციის მიღება და გავრცელება შემდეგი სანდო წყაროებიდან შეგიძლიათ:

The Kyiv Independent

Svidomi ENG

არა, რუსებს ხარკოვი არ აუღიათ — გავრცელებული დეზინფორმაცია ამ დროისათვის

5. ჰეშტეგების გამოყენება

უკრაინის შესახებ აზრის დაფიქსირება სოციალური ქსელების მეშვეობითაც შეგიძლიათ. ამისთვის კი ტვიტერზე, ფეისბუქზე ან სხვა სოციალურ პლატფორმაზე უნდა გამოაქვეყნოთ შემდეგი ჰეშტეგები, რათა რაც შეიძლება ბევრმა ადამიანმა გაიგოს რუსეთის აგრესიის შესახებ:

#StopRussianAggression

#RussiaInvadedUkraine

#UkraineUnderAttack

#StopRussia

ასევე შეგიძლიათ, რომ უკრაინელი ხალხის მოთხოვნებს შემდეგი ჰეშტეგებით შეუერთდეთ:

#CloseTheSky

#ArmUkraine

#BanRussianOligarchs

გარდა ამისა, შეგიძლიათ, ვრცელი პოსტი ამ ბმულიდან გადმოწეროთ და სოციალური ქსელების მეშვეობით გააზიაროთ.


პუტინმა უკრაინაში ომი დაიწყო, რომელსაც თავად სპეციალურ "სამხედრო ოპერაციას" უწოდებს. უკრაინული მედიისა და სახელმწიფო სტრუქტურების ინფორმაციით, თავდასხმები ხორციელდება არაერთ ქალაქში და იბომბება დასახლებული პუნქტები, მათ შორის კიევში. უკრაინის პრეზიდენტმა, ვოლოდიმირ ზელენსკიმ სამხედრო მდგომარეობა გამოაცხადა და მოუწოდა ხალხს, არ აჰყვნენ პანიკას.

სიტუაცია მუდმივად იცვლება. ამ ეტაპზე არსებული ინფორმაციით, დანაკარგები არის ორივე მხარეს. მაგალითად, უკრაინული შეიარაღებული ძალების გენერალური შტაბის ინფორმაციით, ქალაქ ხარკოვის შემოვლით გზაზე 4 ტანკი დაიწვა, განადგურდა 6 თვითმფრინავი, 2 ვერტმფრენი და დაიღუპა 50-მდე რუსი სამხედრო. უკრაინის პრეზიდენტის ადმინისტრაციაში აცხადებენ, რომ 24 თებერვლის ღამეს 40-ზე მეტი უკრაინელი სამხედრო პირი დაიღუპა. გარდა ამისა, რუსებმა ხარკოვის ოლქში საცხოვრებელი კორპუსი დაბომბეს, დაიღუპა ერთი არასრულწლოვანი.

უკრაინის თავდაცვის მინისტრმა, ალექსეი რეზნიკოვმა მოუწოდა მოქალაქეებს, ვინც მზადაა და იცის იარაღის გამოყენება, ახლავე შეუერთდეს შეიარაღებულ ძალებს. ზელენსკიმ კი განაცხადა, რომ მისცემენ იარაღს ყველას, ვისაც ქვეყნის დაცვა სურს.

უკრაინამ რუსეთთან დიპლომატიური ურთიერთობა გაწყვიტა. პარტნიორი ქვეყნების უმეტესობამ დაგმო რუსეთის აგრესიული ქმედებები. დაგეგმილია G7-ის, ნატოს და გაეროს საგანგებო სხდომები.

გაიგეთ მეტი: