ზურაბ გირჩი ჯაფარიძე: ეს რეჟიმი არ არის მყარი, შიგნით აქვს ბზარები, აქვს უამრავი პრობლემა, ეს პრობლემები კიდევ უფრო გაიზრდება, რაც უფრო გაიზრდება წნეხი, როგორც ქვეყნის შიგნით, ისე გარეთ

31 Dec. 2024, 12:15

"ყველაფერი იქნება ძალიან ცუდად, მანამ სანამ ყველაფერი არ იქნება ძალიან კარგად. ეს მომენტი დადგება მაშინ, როცა ეს რეჟიმი დამარცხდება და ძალაუფლებას დაკარგავს.

მანამდე ბევრი რამ გართულდება, დაიწყებენ “რუსული კანონის” სრულად ამოქმედებას, მაქსიმალურად შეზღუდავენ სამოქალაქო სექტორს, უცხოეთიდან შემოსული ფინანსების კონტროლს დაიწყებენ, ე.წ ანტიკორუფციულ ბიუროს კიდევ უფრო აამუშავებენ, რომელიც დასდევს ოპოზიციურ პარტიებს, კრიტიკულ მედიას პრობლემებს შეუქმნიან…

მაგრამ ის, რაც ამ ქვეყანას განასხვავებს და გამოარჩევს რუსეთისა და ბელორუსიისგან არის ხალხი, რომელიც გამოდის ქუჩაში და აპროტესტებს.

ჯერ კიდევ არსებობს სამოქალაქო სექტორი, კრიტიკული მედია და ოპოზიციური პარტიები.

ოთხივე მიმართულებით დაიწყებენ შეზღუდვებს.

ეს არის გარდაუვალი.

მაგ გზაზე დგანან.

ეს რეჟიმი არ არის მყარი, შიგნით აქვს ბზარები, აქვს უამრავი პრობლემა, ეს პრობლემები კიდევ უფრო გაიზრდება, რაც უფრო გაიზრდება წნეხი, როგორც ქვეყნის შიგნით, ისე გარეთ — სანქციებისა და არ აღიარების სახით.

მთავარია გვესმოდეს, რომ ბოლო მომენტამდე, სანამ ესენი ჩამოიშლებიან, იქნებიან მუდმივად იმ რეჟიმში –— თითქოს ყველაფერი კარგად არის და თითქოს არაფერი არ ხდება.

სხვა დიქტატორულ რეჟიმებსაც რომ გადავხედოთ, ბოლო დღემდე, ბოლო წამამდე ცდილობდნენ საკუთარ მხარდამჭერებთან შეენარჩუნებინათ განცდა — თითქოს ყველაფერი კარგად იყო"

ბოლო ამბები:

კომენტარები

კვირის ტოპ-5

გირჩევთ

ახლა კითხულობენ

ჯო უილსონი: მადლიერი ვარ, რომ პრეზიდენტი ტრამპი ამ გარიყული სახელმწიფოსგან ქცევის შეცვლას მოითხოვს!