ეს სახე განასახიერებს გამბედაობას პოლიტიკაში. ჩვენი მოვალეობაა მხარი დავუჭიროთ მას და გავხადოთ მაგალითი ყველა ჩვენგანისთვის, — ამის შესახებ ევროპის საკითხებში საფრანგეთის სახელმწიფო მდივანი და ყოფილი ტრანსპორტის მინისტრი, კლემან ბონი X-ზე წერს.

"ეს სახე განასახიერებს გამბედაობას პოლიტიკაში. საქართველოს პრეზიდენტი სალომე ზურაბიშვილი იბრძვის თავისი ხალხისთვის, დემოკრატიისთვის და ევროპული ღირებულებებისთვის მანიპულაციისა და ძალადობის პირობებში.

ჩვენი მოვალეობაა მხარი დავუჭიროთ მას და გავხადოთ მაგალითი ყველა ჩვენგანისთვის", — წერს კლემან ბონი.

მოგვიანებით სალომე ზურაბიშვილმა კლემან ბონს X-ზე მადლობა გადაუხადა მხარდაჭერისთვის:

"გმადლობთ მხარდაჭერისთვის", — წერს პრეზიდენტი ზურაბიშვილი.