ლიეტუვის საგარეო საქმეთა მინისტრი, კესტუტის ბუდრისი აცხადებს, რომ ლიეტუვა მხარს უჭერს საქართველოს და დაწესებული სანქციები არ არის გამიზნული ქვეყნის შიდა პოლიტიკაში ჩარევისთვის. მისი თქმით, ეს ნაბიჯი იმიტომ გადაიდგა, რომ ოცნების ხელისუფლებამ არ შეასრულა ის პირობა, რომელიც 1 წლის წინ დადო ჩატარებულიყო თავისუფალი და სამართლიანი არჩევნები.

"საუბარია არა შიდა პოლიტიკაზე ან რომელიმე კონკრეტული პოლიტიკური ჯგუფის მხარდაჭერაზე. საუბარია იმ დადებულ პირობაზე, რომელიც 1 წლის წინ მოგვცეს და არ შეასრულეს - ჩატარებულიყო თავისუფალი და სამართლიანი არჩევნები, რაც ევროკავშირთან ურთიერთობების შემდგომი განვითარებისთვის არის საჭირო და კანდიდატის სტატუსის რეალიზება", ­— აცხადებს ლიეტუვის საგარეო საქმეთა მინისტრი, კესტუტის ბუდრისი.

შეგახსენებთ, რომ ლიეტუვამ "ქართული ოცნების" პრემიერმინისტრ ირაკლი კობახიძესა და კიდევ 16 პირს სანქციები "ესტონეთთან კოორდინაციით 15 დეკემბერს დაუწესა.

„ჩვენ არ შევეგუებით მშვიდობიანი მომიტინგეების, ჟურნალისტების და ოპოზიციის მიმართ ძალადობას და ჩაგვრას“, — დაწერა ბუდრისიმა X-ზე.

ლიეტუვამ, ესტონეთმა და ლატვიამ 2 დეკემბერს დაუწესეს სავიზო სანქციები 11 მაღალი თანამდებობის პირს — ბიძინა ივანიშვილსა და შინაგან საქმეთა სამინისტროს 10 მაღალჩინოსანს.