დღეს შიდა ქართლში, საოკუპაციო ზოლთან საქართველოს სამი მოქალაქე ე.წ. საზღვრის უკანონო კვეთის ბრალდებით დააკავეს. ინფორმაცია ამის შესახებ On.ge-ს სახელმწიფო უსაფრთხოების სამსახურიდან მიაწოდეს.

სუს-ის ინფორმაციით, მათ საქართველოს მოქალაქეების დაკავების შესახებ ინფორმაცია ევროკავშირის სადამკვირვებლო მისიას მიაწოდეს და დაკავებულების გასათავისუფლებლად მუშაობა მიმდინარეობს.