ამერიკის შეერთებულ შტატებს საელჩო კიევიდან ლვოვში გადააქვს. BBC წერს, რომ აშშ-ის სახელმწიფო მდივანის, ენტონი ბლინკენის განცხადებით, ეს ნაბიჯი უკრაინის საზღვარზე რუსული ძალების თავმოყრის "დრამატული ზრდით" არის განპირობებული.

აშშ კვლავ მოუწოდებს საკუთარ მოქალაქეებს დატოვონ უკრაინა. BBC-ს ინფორმაციით, გერმანიამ, ნიდერლანდებმა, ავსტრალიამ და კანადამ ასევე განაცხადეს, რომ ისინი ლვოვში გააგრჩელებენ თავიანთ დიპლომატიური საქმიანობას ნაწილობრივ ან მთლიანად.

სხვა ქვეყნები ასევე მოუწოდებენ საკუთარ მოქალაქეებს რომ დატოვონ უკრაინა, მათ შორისაა დიდი ბრიტამეთიც, თუმცა ბრიტანეთის ელჩი უკრაინაში, მელინდა სიმონსი ამბობს, რომ კიევში რჩება და გუნდთან ერთად მუშაობას აგრძელებს.

14 თებერვალს უკრაინის პრეზიდენტმა, ვოლოდიმირ ზელენსკიმ მოსახლეობისთვის სპეციალური ვიდეომიმართვა გაავრცელა, რომელშიც მოსალოდნელ ომზე ისაუბრა. მისი განცხადებით, ეუბნებიან, რომ 16 თებერვალს დაიწყება სამხედრო ინტერვენცია, რასაც ისინი ერთობით უპასუხებენ. კერძოდ, ზელენსკიმ განაცხადა, რომ ამ დღეს უკრაინის დროშების და ცისფერ-ყვითელი ლენტების გამოფენით შეხვდებიან და მსოფლიოს მათ ერთიანობას აჩვენებენ.

11 თებერვალს ამერიკის შეერთებული შტატების სახელმწიფო მდივნმა, ენტონი ბლინკენმა განაცხადა, რომ რუსეთი უკრაინაში, შეიძლება, ნებისმიერ დროს შეიჭრას.

გაიგე მეტი: