ამერიკის შეერთებული შტატების სახელმწიფო მდივნის მოადგილე, ვენდი შერმანი აცხადებს, რომ თუ რუსეთი უკრაინაში შეიჭრება ამას მძიმე შედეგები მოჰყვება. მისი თქმით, ვლადიმერ პუტინმა უნდა გააცნობიეროს, რომ ტომარაში მოთავსებული გვამები დაბრუნდება მოსკოვშიც დაბრუნდება.

"ამას მძიმე შედეგები მოჰყვება არა მხოლოდ რუსეთი ეკონომიკაზე, ამას გააკეთებს არა მხოლოდ აშშ, არამედ ეს შესანიშნავი ალიანსი და ქვეყნები მსოფლიოს გარშემო, მხოლოდ ეს არ გამოიწვევს შედეგებს. ვლადიმერ პუტინმა უნდა გააცნობიეროს, რომ ტომარაში მოთავსებული გვამები მოსკოვშიც დაბრუნდება, რუსეთის მოქალაქეები დაიტანჯებიან, რადგან მათი ეკონომიკა სრულიად განადგურდება", — განაცხადა მან MSNBC-ის ეთერში.

26 იანვარს რუსეთმა ბელარუსში სამხედრო ძალები განათავსა, რითიც უკრაინის ჩრდილოეთით შეიქმნა ახალი სავარაუდო ფრონტი თავდასხმისთვის. ამის ფონზე რუსეთი ამტკიცებს, რომ უკრაინაში შეჭრას არ გეგმავს, ამავდროულად კი დასავლეთი მკაცრი ეკონომიკური სანქციებით იმუქრება. ბოლო ინფორმაციით, რუსეთს უკრაინის საზღვრებთან 100 ათასამდე სამხედრო ჰყავს მობილიზებული.

3 თებერვალს ამერიკის შეერთებულმა შტატებმა განაცხადა, რომ რუსეთი შეჭრის საბაბად ყალბი ვიდეოს დამზადებას გეგმავდა, სადაც ნაჩვენები იქნებოდა უკრაინელების თავდასხმა რუსეთის ტერიტორიაზე ან რუს სეპარატისტებზე. აშშ-ს ცნობით, ერთ-ერთი ვარიანტი, რომელსაც კრემლი განიხილავს, არის თავდასხმის ინსცენირება და გადაღება, მათ შორის, აფეთქებებისა და მსხვერპლის გამოსახულებები.

ამასთან, როგორც ევროკომისიის ხელმძღვანელმა, ურსულა ფონ დერ ლაიენმა 4 თებერვალს თქვა, თუ რუსეთი უკრაინის მიმართ აგრესიას გააგრძელებს, ევროკავშირს რუსეთის წინააღმდეგ სანქციები აქვს მზად.

გაიგე მეტი: