ამერიკის შეერთებული შტატების პრეზიდენტი, ჯო ბაიდენი აცხადებს, რომ ამერიკის მოქალაქეებმა უკრაინა უნდა დატოვონ.

"ამერიკის მოქალაქეებმა უკრაინა ახლავე უნდა დატოვონ... ეს არ არის სიტუაცია, როდესაც საქმე გვაქვს ტერორისტულ ორგანიზაციასთან. საქმე გვაქვს მსოფლიოში ერთ-ერთ უდიდეს არმიასთან. ძალიან რთული მდგომარეობაა და მოვლენები შეიძლება სწრაფად აირიოს", — თქვა მან NBC News-თან ინტერვიუში.

ჟურნალისტის კითხვაზე, რა სცენარმა შეიძლება აიძულოს ის, რომ გაგზავნოს ჯარები ამერიკის მოქალაქეების გადასარჩენად, ბაიდენმა უპასუხა, რომ ასე არ იქნება, რადგან როდესაც ამერიკელები და რუსები ერთმანეთისთვის სროლას დაიწყებენ, ეს უკვე მსოფლიო ომია

"ჩვენ იმაზე განსხვავებულ სამყაროში ვართ, ვიდრე ოდესმე ვყოფილვართ", — ამბობს აშშ-ის პრეზიდენტი.

უკრაინის საზღვრებთან სიტუაცია უფრო და უფრო იძაბება. 26 იანვარს რუსეთმა ბელარუსში სამხედრო ძალები განათავსა, რითიც უკრაინის ჩრდილოეთით შეიქმნა ახალი სავარაუდო ფრონტი თავდასხმისთვის. ამის ფონზე რუსეთი ამტკიცებს, რომ უკრაინაში შეჭრას არ გეგმავს, ამავდროულად კი დასავლეთი მკაცრი ეკონომიკური სანქციებით იმუქრება. ბოლო ინფორმაციით, რუსეთს უკრაინის საზღვრებთან 100 ათასამდე სამხედრო ჰყავს მობილიზებული.

გაიგე მეტი: