ლოს ანჯელესის მერმა ერიკ გარსეტიმ 25 აპრილი ფილმ ლა ლა ლენდის დღედ გამოაცხადა.

ამ დღის აღსანიშნავად, არაერთი ღონისძიება არის დაგეგმილი, მათ შორის ჯაზ-ბენდის კონცერტები, ცეკვები, რომლებიც ლა ლა ლენდის მიხედვით დაიდგმება და სპეციალური დამაგვირგვინებელი შოუ.

როგორც იცით, ლა ლა ლენდი სწორედ ლოს ანჯელესის მეტსახელია და ფილმი, რომელიც ამ ქალაქს კიდევ ერთხელ უკვდავყოფს და მისი ხიბლისა თუ დაუნდობელი გარემოს შესახებ მოგვითხრობს, ადგილობრივებს ძალიან უყვართ.

დემიენ შაზელის ფილმი შვიდი ოქროს გლობუსისა და ექვსი ოსკარის მფლობელია. საერთო ჯამში ლა ლა ლენდმა ოსკარის 14 ნომინაცია დააგროვა, რომელიც აქამდე მხოლოდ ორ ფილმს - ტიტანიკსა და ყველაფერი ევას შესახებ ჰქონდა.