ერთიანი ნაციონალური მოძრაობის ერთ-ერთმა ლიდერმა, თინა ბოკუჩავამ პარლამენტში, პლენარულ სხდომაზე შალვა პაპუაშვილს მიმართა და თქვა, რომ სამწუხაროა, როდესაც მმართველი გუნდი იღებს გადაწყვეტილებას, პარლამენტის თავმჯდომარედ დაინიშნოს ადამიანი, რომელსაც შეუძლია ღიად იძალადოს ქალზე, შემდეგ კი გაამართლოს ქალთა მიმართ ძალადობა.

"უპირველეს ყოვლისა, რადგან ეს პირველი შესაძლებლობაა ჩემთვის, რომ ვისაუბრო თქვენს მიერ წაყვანილ სხდომაზე, ბატონო შალვა, უნდა ვთქვა, რომ ჩემი აზრით, ძალიან სამწუხაროა და ძალიან სახიფათოა, როდესაც მმართველი გუნდი იღებს გადაწყვეტილებას, რომ პარლამენტის თავმჯდომარედ დაინიშნოს ადამიანი, რომელსაც შეუძლია ღიად იძალადოს ქალზე და შემდეგ გაამართლოს ქალთა მიმართ ძალადობა.

მე ვფიქრობ, რომ ეს არის ძალიან სახიფათო გზავნილი ქვეყანაში, სადაც ქალთა მიმართ ძალადობა არის სერიოზული პრობლემა და ეს კიდევ ერთხელ მეტყველებს თქვენს ღირებულებებზე და თქვენს პრინციპებზე. არამხოლოდ პირადად თქვენზე, ბატონო შალვა, არამედ თქვენი პოლიტიკური გუნდის", — განაცხადა ბოკუჩავამ.

18 ივლისს, ქართული ოცნების დეპუტატმა, შალვა პაპუაშვილმა კოლეგა, ნაციონალური მოძრაობის დეპუტატი თინა ბოკუჩავა ფიზიკური ძალის გამოყენებით გაიყვანა პარლამენტის თავმჯდომარის ტრიბუნიდან. როგორც ბოკუჩავამ განაცხადა, პირველად ამის მცდელობა ქართული ოცნების კიდევ ერთ დეპუტატს, ლევან მგალობლიშვილს, რომელსაც შემდეგ პაპუაშვილი შეუერთდა.

თავად პაპუაშვილი ამ ფაქტს ძალადობად არ მიიჩნევს. "დაბრალებებს არ ვიყოთ" — დაწერა მან სოციალურ ქსელში.

მომხდარს გამოეხმაურა პრეზიდენტი, სალომე ზურაბიშვილი. მან თქვა, რომ გაუმართლებელია ადამიანის უფლებების დარღვევა, მით უფრო პარლამენტში.

გაიგე მეტი: