რამდენიმე დღის წინ ხუნდების გამაყრუებელმა ხმამ გამაღვიძა. დედაჩემი იყო — 2 დღეა ამბობს, მანქანას რაღაც აწუხებსო და აი, ახლა ეს ხმა მესამე სართულზეც კი აღწევს. ხუნდების ხმაზე, მასავით რომ არ გეგონოთ მანქანა აღარასდროს გაკეთდებაო, ავტომობილის ამ ნაწილზე ახლა რამდენიმე საინტერესო დეტალს მოგიყვებით.

ავტომობილის სავალი ნაწილის ერთ-ერთი მთავარი კომპონენტი ხუნდებია, რომლებიც პასუხისმგებელნი არიან მანქანის დამუხრუჭებაზე.

ხუნდების ყველა მწარმოებელს საკუთარი ფორმულა გააჩნია, რომლის კონფიდენციალურობაც უმკაცრესად არის დაცული. მათი მთავარი მიზანი გამძლე პროდუქტის დამზადებაა, რომლებმაც დიდი კილომეტრაჟი უნდა გაიარონ ისე, რომ არ დააზიანონ მანქანის სამუხრუჭე დისკი და ასევე გაუძლონ მაქსიმალურ ტემპერატურას.

სამუხრუჭე ხუნდების გამოცვლის სიხშირე დამოკიდებულია მანქანის მუშაობის პირობებსა და მართვის სტილზე. მათთვის არ არსებობს ზუსტი და მკაფიო რეგულაციები.

ხუნდების ცვეთა დამოკიდებულია შემდეგ გარემოებებზე: გზების ხარისხი და მართვის სტილი.

ავტომობილის წინა ხუნდები უფრო სწრაფად ცვდება, ვიდრე უკანები, რადგან დამუხრუჭებისას ინერციული ძალა კონცენტრირებულია მანქანის წინა მხარეს. ხუნდების ცვეთა ღერძზე, უნდა ხდებოდეს თანაბრად. მათი შეცვლისას აუცილებელია გვახსოვდეს, რომ ორივე იცვლება წყვილში (ორ-ორად). ხუნდების დაგვიანებული შეცვლა საფრთხეს უქმნის სამუხრუჭე დისკებს (აპორნებს), რომელთა შეკეთება ან შეცვლა შემდგომში საკმაოდ ძვირი გვიჯდება. ნორმაზე ნაკლები სისქის მქონე სამუხრუჭე დისკებით გადაადგილება დაუშვებელია, რადგან ისინი საკმაოდ დიდ საფრთხეს უქმნიან ჩვენს სიცოცხლეს.

ფოტო: თეგეტა მოტორსი

როგორ უნდა მივხვდეთ, რომ ხუნდები შესაცვლელია?

ხუნდებს პრობლემა აქვთ მაშინ თუ:

  • იზრდება მანქანის სამუხრუჭე მანძილი;
  • ჩნდება სამუხრუჭე დისკებზე ლითონის ნაკაწრები, ნაჭდევები;
  • დამუხრუჭების დროს ისმის კაკუნი ან წრიპინი და საჭეზე იგრძნობა გვერდითი დარტყმები.

ყურადღება უნდა მივაქციოთ ავტომობილის სამუხრუჭე მანძილს, რადგან გაზრდილი სამუხრუჭე მანძილის ერთ-ერთი მთავარი გამომწვევი მიზეზი სწორედაც, რომ გაცვეთილი ხუნდებია. ყოველ 10 000 კილომეტრზე უნდა ვამოწმოთ სამუხრუჭე სითხე და ზოგადად სამუხრუჭე სისტემა. ასევე უნდა მოვუსმინოთ სავალი ნაწილიდან გამოსულ ხმაურს. სამუხრუჭე სისტემის შემოწმება აუცილებელია ვაწარმოოთ სერტიფიცირებულ სერვის ცენტრებში, რადგან არასწორი დიაგნოზის შემთხვევაში შეიძლება საკმაოდ ცუდ სიტუაციაში აღმოვჩნდეთ.

აუცილებელია ყოველთვის იხელმძვანელოთ წესებით, რადგან მათმა დაზიანებამ შეიძლება საკმაოდ ცუდი შედეგები მოიტანოს. ყოფილა შემთხვევები, როდესაც ბზარების მიზეზად, მოძრავ ავტომობილზე სამუხრუჭე დისკი გამტყდარა. დამერწმუნეთ, ამ დროს მანქანის დამორჩილება საკმაოდ რთული საქმეა, მითუმეტეს მაღალ სიჩქარეზე. ამიტომ აუცილებელია ვიცოდეთ ის, თუ როგორ ზეგავლენას ახდენს ხუნდები სამუხრუჭე დისკზე და რაც მთავარია, ხუნდების შეძენისას მთავარი აქცენტი უნდა გავაკეთოთ მათ ხარისხზე და არა მხოლოდ ფასზე. ასევე, აუცილებელია ავტომობილის ხარისხიანი და დროული დიაგნოსტიკა. უნდა გვახსოვდეს, რომ ეს პროცესი მოითხოვს პროფესიული ცოდნისა და სპეციალური ინსტრუმენტების ერთობლიობას, ამიტომ აუცილებელია ჩვენი ავტომობილის შემოწმება პროფესიონალებს ვანდოთ.

აქვე გეტყვით, რომ თეგეტა მოტორსი მომხმარებელს უსასრულო გარანტიას სთავაზობს როგორც ხუნდების გარკვეულ ბრენდებზე, ასევე სავალი ნაწილის, დეტალების სრულ ასორტიმენტზე. უსასრულო გარანტია გულისხმობს, რომ ნებისმიერი დაზიანების შემთხვევაში, ნებისმიერ დროს თეგეტა უსასყიდლოდ აღადგენს ან აანაზღაურებს შესაბამისი პროდუქტის ღირებულების 100%-მდე თანხას. ეს უპრეცედენტო გარანტია საშუალებას გაძლევთ, რომ თავიდან აირიდოთ, როგორც უსიამოვნო შემთხვევები, ასევე დაზოგოთ ფინანსური რესურსი და მიიღოთ უსასრულო სარგებელი.