გაფრთხილება: სტატია Spider-Man: No Way Home-ის შესახებ სპოილერებს შეიცავს.

Spider-Man: No Way Home მარველისა და სპაიდერმენის ფანების საყვარელ ფილმად და 2021 წლის კინომოვლენად ბევრი მიზეზის გამო იქცა, რომელთაგან ერთ-ერთი ყველაზე მნიშვნელოვანი ენდრიუ გარფილდისა და ტობი მაგუაირის დაბრუნება იყო. როგორც აღმოჩნდა, სწორედ ენდრიუ გარფილდს უნდა ვუმადლოდეთ, რომ ფილმში სპაიდერმენების ცნობილი მიმიც ვიხილეთ.

60-იან წლებში შექმნილი ანიმაციის ერთ-ერთ სცენაში ბოროტმოქმედი თავს სპაიდერმენად ასაღებს. სწორედ აქედან დაიბადა მიმი, რომელსაც ინტერნეტსივრცეში ხშირად იყენებენ. დაკვირვებულმა ფანებმა კი სცენა Spider-Man: No Way Home-შიც შეამჩნიეს.

ენდრიუ გარფილდის თქმით, ფილმის გუნდი დიდხანს ფიქრობდა იმაზე, თუ როგორ გამოეყენებინათ მიმი ფილმში. ერთ-ერთ სცენაში, როდესაც ნედი ლაბორატორიაში მყოფ პიტერს მიმართავს, სამივე პიტერი იხედება და იმის გარკვევას ცდილობს, თუ ვის ესაუბრება ნედი. თავდაპირველი ვერსიის მიხედვით, ენდრიუ გარფილდის პერსონაჟს უნდა ეთქვა — "ეს არასდროს მოძველდება" ან "ძალიან საყვარლები ვართ", თუმცა გადაწყვიტა, რომ მიმის გასაცოცხლებლად შესაფერისი დრო იყო და ფრაზა შეცვალა. საბოლოოდ სცენაში სამივე პიტერი ერთმანეთისკენ ხელს იშვერს და ცნობილ მიმს აცოცხლებს.

ენდრიუ გარფილდის თქმით, მიმი ფილმში კიდევ ერთხელ, ბოლო ბრძოლის სცენის დროს ჩნდება მას შემდეგ, რაც პერსონაჟები გადაწყვეტენ, რომ პიტერი 1, პიტერი 2 და პიტერი 3 დაირქვან. ენდრიუს თქმით, მსახიობებმა ეს სცენა ბუნებრივად, ზედმეტი ახსნის გარეშე გაითამაშეს. დაკვირვებულმა ფანებმა კი სცენაში საყვარელი მიმი კიდევ ერთხელ ამოიცნეს.

ამავე თემაზე: