ელექტრონული ფოსტის სპამების განყოფილება ისეთივე მნიშვნელოვანია, როგორც სხვა შემოსული შეტყობინებები. ამის დასამტკიცებლად კი მიჩიგანში მცხოვრები ლაურა სპირსიც საკმარისია, რომელმაც სპამების განყოფილებაში შემთხვევით შეიხედა და აღმოაჩინა, რომ ლატარიაში $3 მილიონი მოუგია.

იღბლიანმა გამარჯვებულმა ბილეთი 31 დეკემბერს შეავსო. მან მოგების შესახებ რამდენიმე დღის შემდეგ გაიგო, როცა სპამების განყოფილებაში სხვის შეტყობინებას ეძებდა. შეტყობინების დანახვისთანავე გაოგნებული ლაურა ლატარიის ანგარიშზე შევიდა და დარწმუნდა, რომ მართლაც მილიონერი გამხდარიყო.

55 წლის ლაურა გეგმავს, პენსიაზე დაგეგმილზე ადრე გავიდეს და მოგებული თანხა ოჯახის წევრებსაც გაუნაწილოს. რა თქმა უნდა, აპირებს, ამიერიდან სპამების განყოფილება ყოველდღიურად შეამოწმოს.

"მიჩიგანის ლატარია ელექტრონულ ფოსტაში სანდო კონტაქტების სიაში დავამატე, რადგან იქნებ კიდევ ერთხელ გამიმართლოს და მივიღო შეტყობინება იმის შესახებ, რომ დიდი პრიზი მოვიგე", — ამბობს ლაურა.

ამ ამბის შემდეგ, ალბათ, ჩვენს ელექტრონულ ფოსტას ყველანი განსაკუთრებულ ყურადღებას მივაქცევთ.