ამერიკულმა ავიაკომპანია United-მა $800 მილიონის ოდენობის ღირებულება დაკარგა, მას შემდეგ, რაც მგზავრს თვითმფრინავი ძალის გამოყენებით დაატოვებინა. ინფორმაციას Gizmodo ავრცელებს.

United-ის ღირებულება 22,5 მილიარდი აშშ დოლარი იყო და ამ დროისთვის ის $21,70 მილიარდს შეადგენს.

ავიაკომპანიის თანამშრომლებმა 10 აპრილს გადაწყვიტეს, რომ ზედმეტად გაყიდული ბილეთების გამო, რამდენიმე მგზავრს თვითმფრინავი საკუთარი ნებით უნდა დაეტოვებინა და თავიანთი ადგილები ავიაკომპანიის თანამშრომლებისთვის დაეთმოთ.

69 წლის ექიმმა ადგილის დათმობაზე უარი განაცხადა, რადგან მეორე დღეს სამსახურში მიდიოდა. ამის შემდეგ მას თვითმფრინავი ძალით დაატოვებინეს.

მოგვიანებით დასისხლიანებული მგზავრი თვითმფრინავში დააბრუნეს.