შენიშნვნა: ეს ქვიზი On.ge-ის საარქივო მასალაა და თავდაპირველად, 2022 წლის 19 იანვარს, იმ დროინდელი სამთავრობო ცვლილებების საპასუხოდ გამოქვეყნდა.

დღეს, 2024 წლის 29 იანვარს სამთავრობო იმედის მიერ გავრცელებული ინფორმაციიდან გავიგეთ, რომ პოლიტსაბჭომ გადაწყვიტა, პოსტები გაცვალონ ირაკლი კობახიძემ და ირაკლი ღარიბაშვილმა.

ირაკლი და ირაკლი — დღევანდელი ქვიზი ქართული ოცნების ორ ლიდერზეა, რომელთაგანაც ერთი მმართველი გუნდის, მეორე კი მთავრობის ხელმძღვანელად დაგვინიშნეს. ჩვენი ყოველდღიურობის დიდი ნაწილი მათ პოლიტიკურ განცხადებებშია ჩაკარგული და ხშირად იმის გარკვევაც გვიჭირს, ვინ რა თქვა. ამის მიზეზი ის არის, რომ ორივეს რიტორიკა ერთმანეთს ჰგავს, განსაკუთრებით, როცა საქმე ოპონენტების კრიტიკას ეხება.

ეს ყველაზე კარგად გამოჩნდა წინასაარჩევნო პერიოდში, როცა დღეში 4-ჯერ, 4 სხვადასხვა ქალაქში ვუსმენდით ორი ირაკლის გულახდილ და ხმამაღალ ფრაზებს იმაზე, თუ როგორ არ მოსწონთ ენმ. თუმცა ეს ყველაფერი როდია, მათ ფრაზებში მსგავსებას მაშინაც შეამჩნევთ, როცა ბიძინა ივანიშვილზე, პატრიარქზე ან დასავლელ პარტნიორებზე საუბრობენ.

შეავსე ჩვენი ქვიზი და გაიგე, რამდენად კარგად იცნობ ორი ირაკლის რიტორიკას.

ტესტი: გამოიცანი რომელი ირაკლისაა ციტატა

ტესტის დაწყება

1 / 20 ვისია ფრაზა: "მოვედით, ვთქვით და გავაკეთეთ"?

2 / 20 აბა, ამ დაზეპირებული ფრაზის ავტორი თუ გახსოვს: "დესტრუქციული ოპოზიცია"

3 / 20 დაასრულე წინადადება: "ალო, გამარჯობათ, ირაკლი ვარ ..."

4 / 20 რომელმა ირაკლიმ შეიმკო ასე თავი: "თბილისის სახელმწიფო უნივერსიტეტის და დუსელდორფის უნივერსიტეტის სამართლის მაგისტრი, დუსელდორფის უნივერსიტეტის სამართლის დოქტორი, თბილისის სახელმწიფო უნივერსიტეტის პროფესორი, ევროპის საბჭოს საპარლამენტო ასამბლეის ვიცეპრეზიდენტი, აქ შევჩერდები, ბევრს არ გავაგრძელებ"

5 / 20 ამის ავტორის გამოცნობა გაგიჭირდება: "რომელი მმართველი ყოფილა ბიძინა ივანიშვილზე უფრო დემოკრატი? არცერთი!"

6 / 20 არც ეს იქნება მარტივი: "პატრიარქი არამხოლოდ ჩვენი სულიერი ლიდერი, არამედ ბრძენი ადამიანია"

7 / 20 და ეს ვინ თქვა: "ბოლო 30 წლის განმავლობაში ყველაზე ჰუმანური ხელისუფლება ვართ"?

8 / 20 რომელი ირაკლისაა ეს ფრაზა: "გავერთიანდეთ როგორც ჩვენი წინაპრების შექმნილი ქართული პოლიფონია გვასწავლის, ჩვენი მრავალჟამიერი გვასწავლის"

9 / 20 ამ ფრაზის ავტორს კი მარტივად გამოიცნობ: "შეგნებულად წავედი ათონის მთაზე. მარტო წავედი, რომ ერთგვარი დეტოქსი განმეცადა"

10 / 20 ის თუ გახსოვს, ასე ვინ შეიქო თავი: "მსოფლიომ აღიარა, რომ ფაროსანას მართვის ქართული მოდელი წარმატებულია"?

11 / 20 ეს სიტყვები ვისია: "საქართველოს აქვს შესაძლებლობა, რომ გახდეს აღმოსავლეთის ლუქსემბურგი"?

12 / 20 ეს რომელმა თქვა: "ქუჩაში ხალხი არ დგას, ხალხი დგას ქართული ოცნების უკან"?

13 / 20 საკანონმდებლო ორგანო რომელმა შეაქო ასე: "საქართველოს პარლამენტი არის ქართული დემოკრატიის აკვანი"?

14 / 20 რომელი ირაკლის აზრით არის სააკაშვილი "ჩვეულებრივი სიმულიანტი, პროფესიონალი აფერისტი კაცი"?

15 / 20 ისიც გახსოვს, ამ სიტყვებს ვინ იმეორებდა წინასაარჩევნო კამპანიის დროს: "მჩაგვრელი, მოძალადე სააკაშვილის პარტია"

16 / 20 "ესენი არიან სასოწარკვეთილი ნაციონალი დიასახლისები" — ამ სექსისტური ფრაზის ავტორიც გამოიცანი

17 / 20 რომელმა ირაკლიმ უპასუხა ევროპარლამენტარების კრიტიკას ასე: "არც ფოტიგა, არც კუბილიუსი ჩემთვის და ჩვენი ქვეყნისთვის არაფერს არ წარმოადგენენ"

18 / 20 ეს მუქარა ვისია: "რას გიზამ იცი? დაგამთავრებ"?

19 / 20 ვინ თქვა ეს: "როგორც ის ბრძენი კაცი, ბატონი ბიძინა ამბობდა"?

20 / 20 და ბოლოს, რომელი ირაკლი "დაგვემშვიდობა" ამ კადრით და ამ ფრაზით: "თანამდებობები არის დროებითი ჩემო ძვირფასებო, მარადიული არის უფალი და სამშობლო"

იტვირთება...
ერთი წუთით...