საქანიმა — ქართული ანიმაციის აწმყო და სამომავლო პერსპექტივა
ქართულმა ანიმაციამ განვითარების გრძელი გზა გაიარა. 1936 წელს პირველი ქართული ნახატი ფილმი — არგონავტები შეიქმნა, ასე დაიწყო ქართული ანიმაციის ისტორია, რომელიც თანამედროვე ანიმაციის რუკაზე თავის დამკვიდრებას დღემდე ცდილობს.
თანამედროვე ანიმაციის სამყარო ერთიანი, გლობალური სივრცეა, ამიტომ სხვადასხვა ქვეყნის გამოცდილების გაზიარება, საერთაშორისო ფესტივალებში მონაწილეობა და ინდუსტრიის წამყვან სააგენტოებთან, ხელოვანებთან თუ პოტენციურ ინვესტორებთან კავშირების დამყარება ხშირად პროექტის ბედს განსაზღვრავს.
2019 წელს საქართველოს ანიმატორთა ასოციაცია დაარსდა, რომელმაც მიზნად დაისახა საქართველოში მოქმედი მცირე სტუდიებისა და ანიმატორების ერთ ჭერქვეშ გაერთიანება, მათთვის ახალი პერსპექტივების გახსნა და ქართული ანიმაციის საერთაშორისო ცნობადობის გაზრდა.
რეჟისორისა და პროდიუსერის, მარიამ კანდელაკის, რატი ნანეიშვილისა და ელენე მურჯიკნელის მიერ დაარსებული ასოციაცია უკვე 60 წევრს აერთიანებს. უკვე სამი წელია, სამუშაო შეხვედრებით, კონფერენციებითა და ცოდნის გაზიარებით, ორგანიზაცია ქართველ ხელოვანებსა და სტუდიებს საერთაშორისო პროცესებში მონაწილეობაში ეხმარება. ანიმაციური ფილმების გადაღებისა და დისტრიბუციის პროცესში ჩართული პირები ერთობლივად ცდილობენ ქართული ანიმაციის განვითარებას, ცოდნისა და უნარების დახვეწას, ახალგაზრდა ანიმატორების შემოქმედებითი ხედვის მხარდაჭერასა და ქართული ანიმაციის ხილვადობის გაზრდას.
საქართველოს ანიმატორთა ასოციაცია შემოქმედებს პროდუქტის საბოლოო დახვეწაში და პორტფოლიოს შედგენაში ეხმარება, რაც საერთაშორისო ფესტივალებზე ღირსეულად მონაწილეობისთვის უმნიშვნელოვანესია. სხვადასხვა ფესტივალის ფარგლებში გამართული სამუშაო შეხვედრები, შესაძლოა, ინვესტორის მოპოვებაში დაეხმაროს ხელოვანს, ახალ შემოქმედებით თანამშრომლობებს დაუდოს საფუძველი ან, სულაც, ახალი შთაგონების წყაროდ იქცეს.
2021 წლის ნოემბერში, თბილისში ანიმაციის საერთაშორისო კონფერენცია — ანიმა თბილისი 2021 გაიმართა, რომელმაც ანიმატორთა ასოციაციის 3-წლიანი მუშაობა შეაჯამა, პანელურმა დისკუსიებმა კი ისეთი თემები დაფარა, როგორიც ქართული ანიმაციის მომავალი, საქართველოს ადგილი მსოფლიო ანიმაციის რუკაზე, საერთაშორისო პარტნიორობები და პერსპექტივები და ანიმაციის ინდუსტრიის განვითარებისთვის მნიშვნელოვანი სხვა საკითხებია.
საერთაშორისო კონფერენციაზე საქართველოს ანიმატორთა ასოციაციის დახმარებით განხორცილებული არაერთი პროექტის პრეზენტაცია შედგა, მათ შორის, გაიმართა ნანა ჯანელიძის ფილმზე — Where is Lisa Going? — მომუშავე ანიმატორებისთვის სერთიფიკატების გადაცემის ცერემონია. ცნობილი ქართველი რეჟისორის ახალი ფილმი ანიმაციური ჩანართებით იქნება გაფორმებული, რომელზეც ქართველმა ხელოვანებმა იმუშავეს, საქართველოს ანიმატორთა ასოციაცია კი ამ პროცესში აქტიურად იყო ჩართული და პროდუქტის საბოლოოდ დახვეწაშიც მიიღო მონაწილეობა.
კიდევ ერთი მნიშვნელოვანი ინიციატივა აზერბაჯანთან თანამშრომლობით გამართული სამუშაო შეხვედრებია, რომლებიც ცოდნის გაზიარებას, ახალგაზრდა ანიმატორების ერთობლივ მუშაობასა და პროექტების დახვეწას ისახავდა მიზნად. ეს ახალგაზრდა ხელოვანებს საერთაშორისო ფესტივალებზე მონაწილეობის შესაძლებლობას აძლევს და მათი იდეების რეალობად ქცევის შანსს ზრდის. წელს ბულგარეთი და საქართველო გაერთიანდებიან და ეცდებიან ამ ქვეყნების განვითარების პროცესში მყოფი ინდუსტრიები ერთობლივი ძალისხმევით განავითარონ.
ანიმატორთა ასოციაციის ხელშეწყობით განხორციელებულ პროექტებს შორის ყველაზე წარმატებული მარიამ კაპანაძის მოკლემეტრაჟიანი ანიმაცია — მიტოვებული სოფელია, რომელმაც ყველა მნიშვნელოვანი საერთაშორისო ანიმაციური ფესტივალი მოიარა და არაერთი ჯილდოთი აღინიშნა. ანიმაციის პრემიერა 2020 წელს იაპონიაში, ჰოკაიდოს ანიმაციური ფილმების საერთაშორისო ფესტივალზე შედგა. მარიამ კაპანაძის სადებიუტო ნამუშევარმა მაყურებლის განსაკუთრებული სიყვარული დაიმსახურა და იაპონიის საგარეო საქმეთა სამინისტროს ჯილდო და სიგელიც მიიღო. მიტოვებული სოფელი იაპონიაში ტოკიოსა და ნაგანოს ხელოვნების მუზემშიც აჩვენეს, სადაც ის 24 000-ზე მეტმა ადამიანმა ნახა. პარიზის ანიმაციური ფილმების ფესტივალზე მონაწილეობა მაყურებლისა და ჟიურის პრიზებით აღინიშნა. ჩეხეთში, ლიბერეჩში გამართული ანიმაციური ფილმების საერთაშორისო ფესტივალზე — ANIFILM — ანიმაციურმა ფილმმა ჯილდო არანარატიული და აბსტრაქტული ფილმების კატეგორიაში მოიპოვა. მიტოვებულმა სოფელმა ბულგარეთში World Festival of Animated Film-ის კრიტიკოსები ჯილდოც დაიმსახურა. ოქტომბერში კი ნამუშევარმა კანადაში, ოტავას საერთაშორისო ანიმაციური ფილმების ფესტივალზე საუკეთესო დიზაინის ნომინაციაში გაიმარჯვა.
მიტოვებული სოფლის საერთაშორისო წარმატება და აუდიტორიის დიდი დაინტერესებაც მოწმობს, რომ ანიმატორების, პროდიუსერების, ინდუსტრიის სხვა წარმომადგენლების ერთობლივი მუშაობა ქართული ანიმაციის ინდუსტრიის განვითარებას ხელს შეუწყობს და საერთაშორისო ბაზარზე ადგილს დაუმკვიდრებს, როგორც ერთ-ერთ გამორჩეული ხედვისა და შესაძლებლობების მქონე ინდუსტრიას.
სხვადასხვა ქვეყნებთან თანამშრომლობა, მოპოვებული ჯილდოები, საერთაშორისო კონფერენციები კი საქართველოს ანიმატორებისთვის მიმზიდველ მიმართულებად აქცევს.
-
-
გადახედვამელანომის პირველ ინდივიდუალიზებულ ვაქცინას უკვე ასობით ადამიანზე ცდიან მელანომის პირველ ინდივიდუალიზებულ ვაქცინას უკვე ასობით ადამიანზე ცდიან
-
გადახედვაყველაზე დიდი ცხოველი, რომელსაც ხმელეთზე უარსებია — პატაგოტიტანი ყველაზე დიდი ცხოველი, რომელსაც ხმელეთზე უარსებია — პატაგოტიტანი
-
გადახედვაSETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ SETI-ს მეცნიერის თქმით, არამიწიერი სიცოცხლის აღმოჩენა გარდაუვალია და ამას ჯეიმს ვების ტელესკოპით შევძლებთ
-
გადახედვაამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია ამომავალი ვარსკვლავები — გიორგი გიგაშვილი პრესტიჟული ევროპული პროგრამის გამარჯვებულია
-
-
-
გადახედვაილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ ილიაუნი მოსწავლეებისთვის ასტროფიზიკის პრაქტიკულ შეხვედრებს გამართავს — როგორ დავესწროთ
-
-
გადახედვამკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს მკვლევრებმა 90 მილიონი წლის წინ მცხოვრები გიგანტური ფრინველის ნაკვალევი აღმოაჩინეს
-
გადახედვა29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს 29 აპრილს, პარლამენტი გენდერული კვოტირების გაუქმებაზე, პრეზიდენტის ვეტოს განიხილავს
-
-
გადახედვაკობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა კობახიძე: მიგრაციის ერთ-ერთი მიზეზი არის ის, რომ გახსნილია საზღვრები, ანუ ადვილია ქვეყნის დატოვება და ევროკავშირის ქვეყნებში გადასვლა
-
გადახედვა"ობობები" მარსზე — რატომ ჩნდება წითელ პლანეტაზე სეზონური მუქი ლაქები "ობობები" მარსზე — რატომ ჩნდება წითელ პლანეტაზე სეზონური მუქი ლაქები
-
გადახედვაკობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს" კობახიძე აცხადებს, რომ ევროპარლამენტის რეზოლუციაში ვიზალიბერალიზაციაზე ჩანაწერს "ჩალის ფასი აქვს"
-
-
გადახედვალელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს! ლელო: ვუერთდებით 28 აპრილს დაანონსებულ ევროპულ მარშს, რათა კიდევ ერთხელ ვუთხრათ "კი" ევროპას და "არა" რუსულ კანონს!
-
გადახედვაალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო ალტ-ინფო აცხადებს, რომ საჯარო რეესტრმა მათი ახალი პარტიის, "ქართული იდეის" გაუქმების პროცესი დაიწყო
-
გადახედვაზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო ზენდეია სპაიდერმენის შეყვარებულებიდან მესამეა, რომელმაც ჩოგბურთელის როლი მოირგო
-
გადახედვა18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა 18-წლიანი პატიმრობა მიესაჯა პირს, რომელმაც ყოფილი ცოლი დაჭრა, მისი ქმარი კი მოკლა
-
გადახედვაემინემის ახალი ალბომი The Death of Slim Shady ზაფხულში გამოვა — ნახეთ ტრეილერი ემინემის ახალი ალბომი The Death of Slim Shady ზაფხულში გამოვა — ნახეთ ტრეილერი
კომენტარები