NATO-ს გენერალური მდივანი, იენს სტოლტენბერგი აცხადებს, რომ დღევანდელ შეხვედრაზე ალიანსის წევრებმა რუსეთს საქართველოდან, უკრაინიდან და მოლდოვადან ჯარების გაყვანისკენ მოუწოდეს. მისი თქმით, ქვეყნების საზღვრების პატივისცემა ფუნდამენტური პრინციპებია.

"რუსეთს სამხედრო ძალები ჰყავს საქართველოში, უკრაინასა და მოლდოვაშიც. ეს ძალები ამ ქვეყნების მთავრობების ნებართვის გარეშე არიან, დაუპატიჟებლები და მიუღებლები. დღევანდელ შეხვედრაზე NATO-ს მოკავშირეებმა რუსეთს, ასევე, მოუწოდეს, რომ ეს ძალები გაიყვანოს და პატივი სცეს საქართველოს, უკრაინისა და მოლდოვას ტერიტორიულ მთლიანობასა და სუვერენიტეტს. ყველა ქვეყნის საზღვრის პატივისცემა ფუნდამენტური პრინციპებია", — აღნიშნა მან.

სტოლტენბერგის განცხადებით, მზად არიან რუსეთთან დიალოგისთვის, თუმცა დათმობაზე არ წავლენ ისეთ მთავარ საკითხებთან დაკავშირებით, როგორებიცაა ქვეყნების ტერიტორიულ მთლიანობა და სუვერენიტეტი, ასევე, ქვეყნების უფლება, რომ საკუთარი გზა თავად აირჩიონ.