The Morning Show მალე ტელეეკრანებს მესამე სეზონით დაუბრუნდება. რომელშიც მთავარ როლებს ისევ ჯენიჯერ ენისტონი და რიზ უიზერსპუნი შეასრულებენ, თუმცა შოუს ახალი პროდიუსერი ეყოლება.

კერი ერინი, რომელმაც The Morning Show განავითარა და ორივე სეზონის პროდიუსერი იყო, თავის ადგილს შარლოტა სტუდს დაუთმობს. სტუდი მუშაობდა ისეთ შოუებზე, როგორებიცაა House of Cards და Homeland და Apple-თან ახლახან ხელი მრავალწლიან ხელშეკრულებასაც მოაწერა.

ფოტო: Apple TV+

მე-3 სეზონში ასევე ვიხილავთ ბილი კრუდაპს, მარკ დუპლასს, კარენ პიტმენს, ტომ ირვინს და სხვებს. გასულ წელს ყოფილმა პროდიუსერმა Deadline-თან ინტერვიუში განაცხადა, რომ მესამე სეზონში "დროის ნახტომი" შეიძლება გვენახა და ასევე ჯენიფერ ენისტონის პერსონაჟზე დიდი ყურადღებაც გაამახვილა.

"ვგრძნობ, რომ ალექსი ცხოვრებაში პირველად არის ისეთ ადგილას, როცა გააცნობიერა ვინ არის რეალურად და თავის შიშებსაც თვალის გაუსწორა. მინდა ვიხილო, როგორ წამოდგება ფენიქსივით ფერფლიდან და როგორ ისწავლის ცხოვრებას", — განაცხადა ერინმა. თუმცა ჯერ არ ვიცით, ახალი პროდიუსერი რამდენად იზიარებს ამ იდეებსა და ჩანაფიქრს შოუს შინაარსის შესახებ.

"მოხარული ვარ, რომ The Morning Show შევუერთდი. ჯენიფერ ენისტონი და რიზ უიზერსპუნი შესანიშნავი მსახიობები არიან და შოუსაც წარმატებით უძღვებიან. რაც შეეხება გადამღებ გუნდს, მათ დაუძლეველი და მიმზიდველი სამყარო შექმნეს, რომელიც თანაბრადაა მომხიბლავიც და პროვოკაციულიც", — ამბობს ახალი პროდიუსერი, შარლოტა სტუდი.