რუსული სააგენტოს, TASS-ის ინფორმაციით, დეფაქტო სამხრეთ ოსეთის საპრეზიდენტო კანდიდატმა ანატოლი ბიბილოვმა მთავარ მიზნად სამხრეთ ოსეთის რუსეთის შემადგენლობაში შესვლა დაასახელა. ამავე ინფორმაციით, ბიბილოვმა ამის შესახებ სწორედ TASS-ს განუცხადა:

"ეს არის სტრატეგიული მიზანი. ზუსტად სამი წლის შემდეგ შესრულდება 100 წელის, რაც ოსი ხალხი გაყოფილია."

ბიბილოვი ამატებს, რომ სამხრეთ ოსეთის მოსახლეობა გასული საუკუნის ოციანი წლებიდან საუბრობს იმაზე, რომ სურს დაბრუნება რუსეთის ფედერაციაში:

"ყველა შემთხვევაში, ყველა ნაბიჯი, რომელსაც გადავდგამთ შეთანხმებული იქნება ჩვენ რუს კოლეგენთან და მხოლოდ ამ მოლაპარაკებების და კონსულტაციების გზით გადავწყვეტთ სამხრეთ ოსეთის ბედს."

დეფაქტო სამხრეთ ოსეთის პარლამენტის სპიკერი, ანატოლი ბიბილოვი საპრეზიდენტო არჩევნებში 57,98 პროცენტით ლიდერობს.