ბრეგაძე: ეს არის პატრიოტი ადამიანებისგან დაკომპლექტებული დაწესებულება

28 Dec. 2021, 14:17

მე არც უფლებამოსილი ვარ და ბუნებრივია, არც ინფორმაცია მეცოდინება საავადმყოფოში [გორის სამხედრო ჰოსპიტალში] არსებული პროცედურების შესახებ, თუმცა დარწმუნებული ვარ, რომ იქ ყველა პროცედურა არს დაცული. მე თავად გახლდით გარკვეული პერიოდის განმავლობაში, მათ შორის, მკურნალობის მიზნითაც ვიმყოფებოდი გორის ჰოსპიტალში გარკვეული პერიოდით და აქვე, ვისარგებლებ შემთხვევით და მადლობას გადავუხდი თითოეულ ექიმს, ზოგადად, სამედიცინო პერსონალის წარმომადგენლებს, ექთნების და ყველას, ვინც მუშაობს ამ დაწესებულებაში. ეს არის ნამდვილად არაჩვეულებრივი, პატრიოტი ადამიანებისგან დაკომპლექტებული სამედიცინო დაწესებულება და ღრმად ვარ დარწმუნებული, რომ ისინი მოქმედებენ ყოველთვის პაციენტის საუკეთესო ინტერესიდან გამომდინარე.

შესაბამისად, ყოველგვარი სპეკულაცია იმის შესახებ, რომ თითქოს სამედიცინო პერსონალმა შეიძლება მიიღოს იქ არასწორი გადაწყვეტილება, არის, უბრალოდ სირცხვილი. ყოველთვის უნდა ახსოვდეს, ვინც მსგავსი ტყუილების გავრცელებას ცდილობს, თუ რას ემსახურებოდა ეს ხალხი 2008 წლის ომიდან დაწყებული დღემდე. ისინი ემსახურებიან ჩვენს ჯარს, რომელიც ყველას ძალიან გვეამაყება. ამიტომ, ძალიან გთხოვთ, ყველამ შეიკავოს თავი ყოველგვარი სპეკულაციისაგან.

ბოლო ამბები:

რატი ბრეგაძე ბრეგაძე: ეს არის პატრიოტი ადამიანებისგან დაკომპლექტებული დაწესებულება

კომენტარები

კვირის ტოპ-5

გირჩევთ

ახლა კითხულობენ