ჯენიფერ ლოურენსმა თავისი ახალი ფილმისთვის, სახელად Don't Look Up, საკუთარი გარეგნობის შეცვლაზე ბევრი იფიქრა, თუმცა ყველაფერი გეგმის მიხედვით არ გამოუვიდა.

Don't Look Up-ში ჯენიფერს პარტნიორობას ლეონარდო დიკაპრიო უწევს. ფილმი ორი ასტრონომის შესახებ მოგვითხრობს, რომლებმაც კომეტა აღმოაჩინეს, რომელსაც დედამიწის განადგურება შეუძლია.

ფოტო: Netflix

ჯენიფერის თქმით, როლისთვის რომ უკეთ მომზადებოდა, ქალ ასტრონომს გაესაუბრა. დიალოგის შემდეგ ლოურენსმა ჩათვალა, რომ თავისი პერსონაჟი უხეში უნდა ყოფილიყო და ეს გარეგნობაზეც უნდა აესახა, ამიტომ პირსინგის გაკეთება გადაწყვიტა.

"ცხვირის პირსინგი გავიკეთე, რომლის ერთი მხარეც მაგნიტი იყო. რამდენჯერმე მაგნიტი შემთხვევით ჩავისუნთქე და ლეონარდო დიკაპრიოს თვალწინ გადმოფურთხებაც მომიწია", — იხსენებს მსახიობი.

Don't Look Up-ის პრემიერა 5 დეკემბერს შედგა. ასე რომ, მსახიობის განწირული სულისკვეთება რად დაჯდა, ფილმში თავად შეგიძლიათ ნახოთ.

ასევე იხილეთ: