რამდენიმე კვირის წინ ბრაზილიაში, ქალაქ სან-პაულოში ყოფილმა ქმარმა ცოლი მოკლა, იმავე დღის საღამოს კი მსგავსი ფაქტი რიო დე ჟანეიროში დაფიქსირდა.

როგორც გაირკვა, ქალზე ძალადობის ფაქტები ბრაზილიაში ხშირად ხდება. ამას დაემატა ისიც, რომ მსახიობმა ჟოზე მაიერმა ჟურნალ Vejo-სთან ინტერვიუში, ქალ პარტნიორებზე ირონიულად ისაუბრა და მათი სამსახიობო ნიჭის ნაცვლად აქცენტები მათი სხეულის ფორმებზე გააკეთა, რაც მიუღებელი აღმოჩნდა მისი კოლეგებისთვის და ბოდიშის მოხდა მოსთხოვეს, მაიერმა ბოდიში მოიხადა და თქვა, რომ ის ყოველთვის იცავდა და დაიცავს ქალთა უფლებებს.

გახშირებული ძალადობა და მსგავსი დამოკიდებულებები გახდა ბოლო წვეთი, რამაც ბრაზილიელი მსახიობები მასშტაბურ აქციამდე მიიყვანა, რომელსაც მსოფლიოში სიდიდით და რეიტინგით ნომერ მეორე კომპანია გლობოს მსახიობები შეუერთდნენ.

მათ შორის მსახიობი ჯოვანა ანტონელიც არის, რომელიც ითხოვს, რომ კომპანია გლობომ ამ თემას და ქალთა უფლებებს სპეციალური სერიალი მიუძღვნას.

#mexeucomumamexeucomtodas #justiçapratodos #chega 👊🏼

A post shared by EquipeGio (@gioanto) on

მსახიობი ჟულიანა პაეში კი წერს, რომ ყველას მოვალეობაა ქალთა უფლებებზე საუბარი და ზრუნვა.

"მე ვიცავდი და ყოველთვის დავიცავ ყველა იმ ქალის უფლებას, რომლებსაც სურთ იცხოვრონ ძალადობის გარეშე. მე და ჩემი კოლეგები შევუერთდით გაეროს ქალთა უფლებების კომიტეტს და ამიერიდან ჩვენი ხმა იქნება უფრო ხმამაღალი. მე როგორც ფემინისტი ვალდებული ვარ ბოლომდე ვიბრძოლო იმისთვის, რათა საბოლოოდ აღმოიფხვრას ქალთა მიმართ ძალადობა. ჩვენ არ უნდა შეგვეშინდეს სიტყვა ფემინისტის, ჩვენ პატივი უნდა ვცეთ ქალების მიღწევებს და დავამარცხოთ გენდერული უთანასწორობა, რომელიც ასეთი ხშირია ბრაზილიაში. ჩვენ ვართ ქალები და ვჭირდებით სხვა ქალებს.", - ამბობს ჟულიანა პაეში.

კამპანიას გლობოს მსახიობი მამაკაცებიც შეუერთდნენ. როგორც ცნობილია, მაისში რიო დე ჟანეიროში ქალთა მასშტაბური აქცია იგეგმება.