თბილისის საქალაქო სასამართლომ არასრულწლოვან შვილზე ძალადობისთვის მშობელს ორწლიანი პატიმრობა მიუსაჯა. როგორც საქართველოს მთავარი პროკურატურა ავრცელებს, სასამართლომ სრულად გაიზიარა ბრალდების მხარის მოთხოვნა.

მათივე ინფორმაციით, სასამართლო პროცესზე გამოკვლეული მტკიცებულებებით დადასტურდა, რომ მშობელმა რვა წლის შვილს მიაყენა ფიზიკური შეურაცხყოფა, რა დროსაც ურტყამდა სახისა და ზურგის არეში. ძალადობის დროს მცირეწლოვანმა ფიზიკური ტკივილი განიცადა.

საქმეზე გამოძიება სისხლის სამართლის კოდექსის 1261 მუხლის, მეორე ნაწილის "ა" ქვეპუნქტით მიმდინარეობდა. ამ მუხლით, ოჯახის არასრულწლოვნის მიმართ ძალადობა, სისტემატური შეურაცხყოფა, შანტაჟი ან დამცირება, რამაც გამოიწვია ფიზიკური ტკივილი ან ტანჯვა ისჯება საზოგადოებისათვის სასარგებლო შრომით ვადით ორასიდან ოთხას საათამდე ან თავისუფლების აღკვეთით ვადით ერთიდან სამ წლამდე.