მიხეილ სააკაშვილის პირადი ექიმის, ნიკოლოზ ყიფშიძის განცხადებით, ექსპრეზიდენტის რუსთავის ციხეში გადაყვანას ხელს არცერთი ექიმი არ მოაწერს.

"ეს შეუძლებელია, არცერთი ექიმი ამას ხელს არ მოაწერს. მე ასეთ ექიმს არ ვიცნობ არც საქართველოში, არც მთელს მსოფლიოში", — განაცხადა მან.

ექიმმა გავრცელებულ ინფორმაციასთან დაკავშირებით იმაზე, რომ მიხეილ სააკაშვილის სამედიცინო ბარათში ფსიქოტროპული პრეპარატი ფიგურირებს, ამბობს, რომ ეს ჰოლანდიელი ექიმის მიერ დანიშნული არ იყო.

"ამჟამად მისი მდგომარეობა არის საერთო სისუსტე, გამოკვეთილი საერთო სისუსტე. ასევე, არის არასტაბილურ მდგომარეობაში.

მე დღეს ველაპარაკე მის პირად ექიმს ჰოლანდიაში და გავარკვიე, რომ ის იღებდა მხოლოდ 2 წამალს. ეს არაა ისეთი ფსიქოტროპული წამლები, რომელიც გამოიყენება ძალიან ფართოდ საზღვარგარეთ. ეს ჰოლანდიელი ექიმის მიერ დანიშნულება არ იყო. ეს დაინიშნა რუსთავის ციხეში", — აცხადებს ის,

მისივე განმარტებით, პრეპარატი საძილე საშუალება იყო და ექსპრეზიდენტმა მისი მიღება პირველი სასამართლო პროცესის წინ, პარასკევს შეწყვიტა. ექიმმა, ასევე, განაცხადა, რომ იგეგმებოდა დოზის ათჯერ გაზრდა, რაც მეტ სისუსტეს გამოიწვევდა და თუ გაზრდილ დოზას მიიღბდა, სააკაშვილი სასამართლოზე გამოსვლას ვერ შეძლებდა.