მარტყოფში ქმარმა ცოლი დაჭრა, შემდეგ თვითდაზიანება მიიყენა და გარდაიცვალა. ამ ეტაპზე, მომხდართან დაკავშირებით დეტალები უცნობია, თუმცა სხვადასხვა ტელევიზიის მიერ გავრცელებული ინფორმაციის თანახმად, მომხდარის შემდეგ კაცი გულის შეტევით გარდაიცვალა.

როგორც შინაგან საქმეთა სამინისტროში On.ge-ს განუცხადეს, გამოძიება სისხლის სამართლის კოდექსის 11 პრიმა 117-ე მუხლით მიმდინარეობს, რაც ოჯახში ჩადენილ ჯანმრთელობის განზრახ მძიმე დაზიანებას გულისხმობს.