ტყიბულში მიწის მასაში მოყოლილი ორი ადამიანიდან მარშველებმა ერთი პირი ამოიყვანეს. როგორც ადგილიდან გავრცელებულ კადრებში ჩანს, ის საგანგებო სიტუაციების მართვის სამსახურის მანქანით წაიყვანეს. მაშველები მეორე ადამიანის ძებნის სამუშაოებს აგრძელებენ.

დღეს ტყიბულში მიწის მასა ჩამოიშალა. როგორც ტყიბულის მერმა, დავით ჩერქეზიშვილმა პირველ არხს განუცხადა, უბედური შემთხვევა მაშინ მოხდა, როდესაც მოქალაქეები ნახშირს უნებართვოდ, ღია კარიერის წესით მოიპოვებდნენ.

მოგვიანებით, განცხადება გაავრცელა საგანგებო სიტუაციების მართვის სამსახურმა და აღნიშნა, რომ მიწის მასის ქვეშ, სავარაუდოდ, ორ ადამიანი იყო მოყოლილი.