გავლენიანი ჯგუფი არც წინა ხელისუფლების დროს და არც დღეს არ არსებობს — მოსამართლე ე.წ. კლანზე
უზენაესი სასამართლოს მოსამართლეობის კანდიდატის, ნინო სანდოძის განცხადებით, გავლენიანი ჯგუფი სასამართლოში არც წინა ხელისუფლების დროს იყო და არც დღეს არაა. ამის შესახებ კითხვა მას ვიცე-სპიკერმა, ლევან იოსელიანმა დაუსვა.
"ასეთი ჯგუფი არ არსებობდა, არც წინა ხელისუფლების დროს და არც დღეს არ არსებობს. არ არის შემთხვევა, რომ მიუთითოთ, რომ ვინმემ, რომელიმე მოსამართლეს კონკრეტული გადაწყვეტილების მიღებაზე განახორციელა ზეწოლა", — თქვა სანდოძემ.
იოსელიანმა დააზუსტა, გულისხმობდა თუ არა სანდოძე იმას, რომ ნაციონალური მოძრაობის ხელისუფლებაში ყოფნის პერიოდში სასამართლო იყო დამოუკიდებელი, რაზეც სანდოძემ კონკრეტული პასუხი არ გასცა და ითხოვა ვრცელი განმარტების გაკეთების უფლება მიეცათ. მან გაიხსენა საპროცესო კანონმდებლობის ერთ-ერთი მუხლი, რომელიც არსებობდა 2010 წლამდე:
"მე-14 მუხლი, სადაც მითითებული იყო, რომ "გამომძიებელი, პროკურორი, მოსამართლე, სასამართლო მოქმედებენ რა საჯარო ინტერესის გათვალისწინებით, ვალდებულნი არიან დაადგინონ დანაშაული და დანაშაულის ჩამდენი პირი", ანუ, ამით მე მგონი, ყველაფერი ცხადია", — განაცხადა სანდოძე.
იოსელიანმა ჰკითხა, გულისხმობს თუ არა იმას, რომ ნაციონალური მოძრაობის ხელისუფლებაში ყოფნის დროს არსებული კანონმდებლობა ზღუდავდა მოსამართლეს მიეღო მისთვის სასურველი გადაწყვეტილება, რაზეც სანდოძე დაეთანხმა.
ე.წ. კლანზე ისაუბრა გუშინ უზენაესი სასამართლოს მოსამართლეობის კიდევ ერთმა კანდიდატმა, თამარ ოქროპირიძემ. რომელმაც თქვა, რომ ვერ შეაფასებს სასამართლო სისტემაში "კლანს", რადგან თავად არასდროს უგრძვნია ჩარევა საქმიანობაში.
სასამართლოში ე.წ კლანის არსებობაზე წლებია საუბრობენ როგორც ადგილობრივი არასამთავრობო ორგანიზაციები, ასევე საერთაშორისო პარტნიორები.
მეორე დღეა პარლამენტში უზენაესი სასამართლოს მოსამართლეობის კანდიდატებს უსმენენ. აღსანიშნავია, რომ შარლ მიშელის შეთანხმების ერთ-ერთი მთავარი პუნქტი სასამართლო რეფორმას ეხებოდა. შეთანხმების მიხედვით, არსებული წესით უზენაეს სასამართლოში მოსამართლეების დანიშვნისგან თავი უნდა შეეკავებინათ. ამის მიუხედავად, პარლამენტმა სასამართლოს მოსამართლეობის 6 კანდიდატი უვადოდ დაამტკიცა. პარალელურად კი, ქართული ოცნება აცხადებდა, რომ შარლ მიშელის დოკუმენტი მათი მხრიდან სრულდება. იმის საილუსტრაციოდ, რომ შეთანხმებაში ნამდვილად ეწერა უზენაესი სასამართლოს მოსამართლეების დანიშვნებისგან თავის შეკავების შესახებ, ამერიკის საელჩომ ტვიტერზე გამოაქვეყნა დოკუმენტის ფოტო, სადაც შეთანხმების ეს ნაწილი ყვითლად არის გახაზული.
ამის შემდეგ იყო ევროკავშირის წარმომადგენლის განცხადება იმის შესახებ, რომ საქართველომ მაკროფინანსური დახმარების მიღების პირობები ვერ შეასრულა. ჟულიენ კრამპის თქმით, ამ განცხადებამდე ქართული ოცნების ხელისუფლება აქტიურად საუბრობდა იმაზე, რომ ევროკავშირისგან მაკროფინანსური დახმარების მეორე ნაწილზე უარს ამბობენ, რადგან მთავრობამ დაიწყო საგარეო ვალის შემცირება და ამ თანხის მიღების აუცილებლობა აღარ არის.
ამასთანავე, ეუთოს დემოკრატიული ინსტიტუტებისა და ადამიანის უფლებათა ოფისის (ODIHR) მიერ გამოქვეყნებული ანგარიშის მიხედვით, საქართველოს უზენაესი სასამართლოს მოსამართლეობის კანდიდატების წარდგენის პროცესში გამოვლენილმა ხარვეზებმა ქვეყანაში სასამართლო სისტემის დამოუკიდებლობის საკითხი რისკის ქვეშ დააყენა.
-
-
გადახედვაNASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს NASA-ს ხელმძღვანელის თქმით, ჩინეთი კოსმოსში გასაიდუმლოებულ სამხედრო ექსპერიმენტებს ატარებს
-
გადახედვატეილორ სვიფტის ბრიტანელმა ფანებმა ყალბი ბილეთებით $1 მილიონზე მეტი იზარალეს ტეილორ სვიფტის ბრიტანელმა ფანებმა ყალბი ბილეთებით $1 მილიონზე მეტი იზარალეს
-
გადახედვასაერთაშორისო კოსმოსურ სადგურში ბაქტერიებმა მუტაცია განიცადეს საერთაშორისო კოსმოსურ სადგურში ბაქტერიებმა მუტაცია განიცადეს
-
-
-
გადახედვამეცნიერებმა გადაშენების საფრთხის ქვეშ მყოფი ქრცვინის კლონები შექმნეს მეცნიერებმა გადაშენების საფრთხის ქვეშ მყოფი ქრცვინის კლონები შექმნეს
-
გადახედვაკგბ-სა და ეფ-ეს-ბეს მიერ შექმნილი ინსტიტუტი, თბილისში "ტრადიციული ღირებულებების შესახებ" კონფერენციას მართავს — აგენტსტვო კგბ-სა და ეფ-ეს-ბეს მიერ შექმნილი ინსტიტუტი, თბილისში "ტრადიციული ღირებულებების შესახებ" კონფერენციას მართავს — აგენტსტვო
-
გადახედვაროგორია ჰიპოთეზური ნაწილაკი, რომელიც "სინათლის სიჩქარეზე სწრაფად მოძრაობს" — კვლევა როგორია ჰიპოთეზური ნაწილაკი, რომელიც "სინათლის სიჩქარეზე სწრაფად მოძრაობს" — კვლევა
-
გადახედვაჯანდაცვის მინისტრს ახალი მოადგილეები ჰყავს — რა ვიცით მათზე ჯანდაცვის მინისტრს ახალი მოადგილეები ჰყავს — რა ვიცით მათზე
-
-
გადახედვაზოგადი განათლების ეროვნული მიზნების დოკუმენტის საბოლოო პროექტი მომზადდა — რას ითვალისწინებს ზოგადი განათლების ეროვნული მიზნების დოკუმენტის საბოლოო პროექტი მომზადდა — რას ითვალისწინებს
-
-
-
გადახედვაNASA-ს ზონდმა იუპიტერის თანამგზავრზე ლავის ტბა დააფიქსირა — ნახეთ ვიდეო NASA-ს ზონდმა იუპიტერის თანამგზავრზე ლავის ტბა დააფიქსირა — ნახეთ ვიდეო
-
-
-
გადახედვასაოკუპაციო ძალების წარმომადგენლებმა, ქარელის რაიონში უკანონოდ დააკავეს საქართველოს 2 მოქალაქე საოკუპაციო ძალების წარმომადგენლებმა, ქარელის რაიონში უკანონოდ დააკავეს საქართველოს 2 მოქალაქე
-
გადახედვა25 აპრილს საქართველოში, შესაძლოა, 38 გრადუსი დაფიქსირდეს 25 აპრილს საქართველოში, შესაძლოა, 38 გრადუსი დაფიქსირდეს
-
-
გადახედვაემინემმა 16-წლიანი სიფხიზლის აღსანიშნად ინსტაგრამზე მონეტის ფოტო გააზიარა ემინემმა 16-წლიანი სიფხიზლის აღსანიშნად ინსტაგრამზე მონეტის ფოტო გააზიარა
კომენტარები