ინფლაციის დონე 2017 წლის მარტში წინა თვესთან შედარებით -0,5 პროცენტი შეადგინა, წლიური ინფლაციის დონე კი 5,4 პროცენტით განისაზღვრა. ინფლაციის შესახებ მონაცემებს საქსტატი აქვეყნებს.

საქსტატის მონაცემებით ინფლაციის მაჩვენებელზე გავლენა იქონია სურსათისა და უალკოჰოლო სასმელები ჯგუფში ფასების 1,1 პროცენტით შემცირებამ. ფასების კლება აღინიშნა ბოსტნეულისა და ბაღჩეულის (-8,5 პროცენტი), რძის, ყველისა და კვერცხის (-2,0 პროცენტი), ყავის, ჩაისა და კაკაოს (-0,5 პროცენტი) ფასების შემცირებამ. ფასები შემცირდა საცხოვრებლის, წყალის, ელ. ენერგიისა და აირის ჯგუფში 1,5 პროცენტით.

ფასები გაიზარდა ხილსა და ყურძენზე (2,0 პროცენტი), ზეთსა და ცხიმზე (1,4 პროცენტი), ალკოჰოლურ სასმელებსა და თამბაქოზე 1,3 პროცენტით. ფასების მატება დაფიქსირდა როგორც ალკოჰოლურ სასმელებზე (1,8 პროცენტი), ასევე თამბაქოს ნაწარმზე (0,7 პროცენტი).