აშშ-ის სახელმწიფო მდივანი ენტონი ბლინკენი რუსეთის მიერ ანტისატელიტური რაკეტის თანამგზავრის წინააღმდეგ გამოყენებას გმობს, რომელმაც დედამიწის ორბიტის სიახლოვეს ნარჩენების ველი შექმნა.

"ჩვენ ვგმობთ რუსეთის მიერ ანტისატელიტური რაკეტის დაუფიქრებელ გამოცდას საკუთარი თანამგზავრის წინააღმდეგ, რომელიც ქმნის კოსმოსურ ნამსხვრევებს, რომლებიც საფრთხეს უქმნის ასტრონავტების სიცოცხლეს, საერთაშორისო კოსმოსური სადგურის მთლიანობასა და ყველა ერის ინტერესებს", — წერს ბლინკენი ტვიტერზე.

დღეს, 16 ნოემბერს რუსეთის ფედერაციამ საკუთარ ხელოვნურ თანამგზავრზე მისი განადგურების გამოცდა ჩაატარა. გატყორცნილმა ნამსხვრევებმა საერთაშორისო კოსმოსური სადგურის კოსმონავტებს საფრთხე შეუქმნა, რომლებიც იძულებულნი გახდნენ კოსმოსურ ხომალდებში შესულიყვნენ. შედეგად კოსმოსში 1 500-ზე მეტი ნარჩენი წარმოიშვა.