თუ თინეიჯერობა ბინდის საგის კითხვასა და ყურებასთან ერთად რობერტ პატინსონის სიყვარულში გაატარეთ, ქარდი ბის რეაქცია თქვენთვის მოულოდნელი ნამდვილად არ იქნებოდა. მომღერალი რობერტ პატინსონს რამდენიმე დღის წინ გამართულ საღამოზე შეხვდა და ბედნიერების დამალვა არც უცდია.

"მოდით, შეხედეთ ჩემს მეგობარს", — ამბობს ქარდი ბი და მოულოდნელად მუსიკოსის აღტაცებული კივილის ფონზე კადრში რობერტ პატინსონი ჩნდება, რომელიც მაყურებლებს უღიმის და ენას უყოფს.

"თავი თინეიჯერად ვიგრძენი", — ასე დაასათაურა მუსიკოსმა 5-წამიანი ვიდეო, რომელიც აუცილებლად კარგ განწყობაზე დაგაყენებთ.

5 ფილმისგან შემდგარმა ბინდის საგამ 2008-2012 წლებში მსოფლიოს თინეიჯერი მოსახლეობის გული დაიპყრო. ფილმები ბელა სვონისა (კრისტენ სტიუარტი) და ვამპირი ედვარდ კალენის (რობერტ პატინსონი) სიყვარულის ისტორიას მოგვითხრობს. როგორც ჩანს, ქარდი ბი ჯეიკობსა და ედვარდს შორის ამ უკანასკნელს გულშემატკივრობდა და თინეიჯერობის მოგონებების გაღვიძება მშვენიერ ხასიათზე აყენებს.

ქარდი ბის სოციალურ ქსელებში სხვა ვარსკვლავებით აღფრთოვანების გამოხატვის არასდროს ერიდება. ცოტა ხნის წინ მუსიკოსი ნეტფლიქსის სერიალით You მოიხიბლა, რის შემდეგაც ტვიტერზე სერიალის მთავარი გმირის, ჯოს ფოტო დააყენა. საპასუხოდ სერიალის ოფიციალურმა ტვიტერმა ქარდი ბის ფოტო დადო. მოგვიანებით ქარდი ბიმ ტვიტერზე ფოტო გამოაქვეყნა, რომელშიც ჩანს, რომ ჯომ მუსიკოსს წერილი და საჩუქარი გაუგზავნა.

"როგორ იპოვა ჯომ ჩემი ახალი სახლის მისამართი?"

ამავე თემაზე: