აუდიტის სამსახურის მონაცემების მიხედვით, თვითმმართველობის არჩევნების მეორე ტურების წინ შემოწირულებები 8 პარტიამ მიიღო. პოლიტიკური სუბიექტების მიერ 1-26 ოქტომბრის პერიოდში მიღებულმა შემოწირულებებმა 2 348 963 ლარი შეადგინა.

ასეთია იმ პარტიების ჩამონათვალი, რომლებმაც 1-26 ოქტომბრის პერიოდში შემოწირულებები მიიღეს:

1. ქართული ოცნება-დემოკრატიული საქართველო — 1 570 624 ლარი;
2. ერთიანი ნაციონალური მოძრაობა — 478 817 ლარი;
3. საქართველოსთვის — 159 161 ლარი;
4. ლელო საქართველოსთვის — 130 000 ლარი;
5. დროა — 8 804 ლარი;
6. ევროპული საქართველო — 827 ლარი;
7. ხალხისთვის — 500 ლარი;
8. ახალ ქრისტიან დემოკრატები — 230 ლარი.

ამ თანხის ნახევარზე მეტი, 1 570 624 ლარი ქართულმა ოცნებამ მიიღო. მეორე ტურების წინ მმართველ პარტიას თანხა 98-მა ფიზიკურმა პირმა შესწირა. არაფულადი შემოწირულებების თანხებში გამოსახული ოდენობა 4 055 ლარი იყო.

ქართული ოცნების მსხვილი შემომწირველების სია ასეთია:

• ჯეირან ომანაძე — 60 000 ლარი;
• ირაკლი ბექაური — 60 000 ლარი;
• გიორგი დევსურაშვილი — 60 000 ლარი;
• ბესიკ ჟღენტი — 60 000 ლარი;
• პავლე იოსელიანი — 60 000 ლარი;
• დავით ქვათაძე — 60 000 ლარი;
• ზურაბ ჩხაიძე — 60 000 ლარი;
• დავით მდინარაძე — 50 000 ლარი;
• ზურაბ ლომაძე — 50 000 ლარი;
• დავით მაღრაძე — 50 000 ლარი.

1-26 ოქტომბრის პერიოდში შემოწირულებების მიხედვით მეორე ადგილზე ნაციონალური მოძრაობაა. ენმ-მა 34 ფიზიკური და 1 იურიდიული პირისგან 478 817 ლარი მიიღო. პარტიის სასარგებლოდ არაფულადი სახის შემოწურულება (2 100 ლარი) გაიღო სააქციო საზოგადოება კოკა-კოლამ. აღსანიშნავია, რომ კოკა-კოლას 2016 წელს ქართული ოცნებისთვის 30 000 ლარი აქვს შეწირული.

ნაციონალური მოძრაობის მსხვილი შემომწირველები არიან:

• მამუკა მჭედლიძე — 59 999 ლარი;
• არჩილ ჭკადუა — 59 961 ლარი;
• ია ხორგუაშვილი — 59 959 ლარი;
• მაკა ლეკიაშვილი — 59 955 ლარი;
• დიმიტრი ჩიქოვანი — 50 000 ლარი.

მესამე პარტია, რომელმაც 1-26 ოქტომბრის პერიოდში ყველაზე მეტი მოცულობის შემოწირულება მიიღო გიორგი გახარიას — საქართველოსთვის არის. ყოფილი პრემიერმინისტრის პარტიას 18-მა ფიზიკურმა პირმა 159 161 ლარი შესწირა. აქედან 2 983 ლარის მოცულობის არაფულადი შემოწირულება იყო, რომელიც სოფიო ხორგუანმა გაიღო.

პარტიის მსხვილი შემომწირველების სია ასეთია:

• კესარია წულაია — 49 985 ლარი;
• თორნიკე ლათათია — 20 000 ლარი;
• ქეთევან ჯოხაძე — 15 000 ლარი;
• ჯამლათ გვიდიანი — 10 000 ლარი;
• თამარ ქემოკლიძე — 10 000 ლარი.

მეორე ტურების წინ 130 000 ლარი შესწირეს ლელოს, რომელიც შემოწირულებების მიხედვით პარტიების რეიტინგში მეოთხე ადგილს იკავებს. 1-26 ოქტომბრის პერიოდში პარტიას სულ 6 შემომწირველი ჰყავდა:

• კონსტანტინე გუნია — 30 000 ლარი;
• რუსუდან გურჩიანი — 20 000 ლარი;
• თამარი მექვაბიშვილი — 20 000 ლარი;
• მანანა ნაჭყებია — 20 000 ლარი;
• სერგი ფანცალაშვილი — 20 000 ლარი;
• გიორგი ოქროაშვილი — 20 000 ლარი.

ოფიციალური მონაცემების მიხედვით, სხვა პარტიებმა ჯამში 10 361 ლარის შემოწირულება მიიღეს. როგორც ცნობილია, პოლიტიკური სუბიექტები თვითმმართველობის არჩევნების მეორე ტურისთვის ემზადებიან, რომელიც 30 ოქტომბერს გაიმართება.