მსხვერპლით დასრულდა ავტოავარია ბათუმში. მსუბუქი ავტომანქანა 30-დან 35 წლამდე ასაკის ქალს დაეჯახა.

გაზეთი ბათუმელები სასწრაფო დახმარების თანამშრომლებზე დაყრდნობით იუწყება, რომ მოქალაქე ქალა-ტვინის დახურული დაზიანებით და მოტეხილობით, უგონო მდგომარეობაში გადაიყვანეს რესპუბლიკურ საავადმყოფოში და ის მიყვანისთანავე გარდაიცვალა.

როგორც შსს-ში On.ge-ს განუცხადეს, გამოძიება სისხლის სამართლის კოდექსის 276-ე მუხლის მე-5 ნაწილით მიმდინარეობს, რაც გულისხმობს ტრანსპორტის მოძრაობის უსაფრთხოების ან ექსპლუატაციის წესის დარღვევას, რამაც გამოიწვია ადამიანის სიცოცხლის მოსპობა.

შსს ინფორმაციით, მძღოლი არ მიმალულა, თუმცა ექსპერტიზების დასრულებამდე ის დაკავებული არაა.