საქართველოს უნივერსიტეტი აბიტურიენტებს უნიკალურ შესაძლებლობას აძლევს. 27 მარტს მე-12 კლასელებს საშუალება ექნებათ, დაესწრონ NAEC-ის მოწვეული ექსპერტის მასტერკლასს და მიიღონ ექსკლუზიური რჩევები იმის შესახებ, თუ როგორ დაალაგონ პრიორიტეტები უნივერსიტეტის შერჩევის პროცესში.

"აბიტურიენტები ახლა ძალიან მნიშვნელოვანი გადაწყვეტილების წინაშე დგანან. სად ჩააბარონ, რა პროფესია აირჩიონ - ეს არის მათი საფიქრალი. მიუხედავად იმისა, რომ უნივერსიტეტების სიის დაფიქსირებამდე რამდენიმე დღე დარჩა, აბიტურიენტებმა ჯერ კიდევ არ იციან, როგორ გადაანაწილონ პრიორიტეტები.

ხანდახან ხდება ისე, რომ ერთიანი ეროვნული გამოცდების შემდეგ ახალგაზრდა უნივერსიტეტის გარეთ რჩება, რადგან უნივერსიტეტები არასწორად ჰქონდა შერჩეული. აქედან გამომდინარე, გადავწყვიტეთ მასტერკლასის ჩატარება გადაწყვეტილების მიღებისა და უნივერსიტეტის შერჩევის საკითხთან დაკავშირებით", - ამბობს საქართველოს უნივერსიტეტის რექტორი კონსტანტინე თოფურია.

მასტერკლასის შესახებ დეტალურ ინფორმაციას შეგიძლიათ საქართველოს უნივერსიტეტის ვებგვერდზე გაეცნოთ