აჭარის ჯანდაცვის მინისტრი, ნინო ნიჟარაძე ბათუმის იაშვილის კლინიკასთან დაკავშირებით აცხადებს, რომ ინციდენტზე მიზეზების შესწავლა მიმდინარეობს.

"მოგეხსენებათ, გუშინ, საღამოს საათებში ბავშვთა ცენტრალური ჰოსპიტლის ერთ-ერთ პალატაში მსუბუქი თაბაშირ-მუყაოს მასალისაგან დამზადებული შეკიდული ჭერის ნაწილი ჩამოვარდა, რომლის შედეგადაც არავინ დაზიანებულა. ყველა ბავშვი გადაყვანილ იქნა, სულ 4 ბავშვი იყო პალატაში, გვერდით პალატაში უსაფრთხოდ, მობილიზდა საინჟინრო ჯგუფი და მიმდინარეობს გამომწვევი მიზეზის შესწავლა, თუმცა რაიმე სერიოზულ მიზეზს ადგილი არ ჰქონია დღევანდელი ინფორმაციით", — განაცხადა მინისტრმა.

ბათუმის იაშვილის ბავშვთა კლინიკის ერთ-ერთ პალატაში ჭერი ჩამოიშალა. როგორც On.ge-ის კლინიკაში განუცხადეს, ამ დროს პალატაში ბავშვები და მშობლები იმყოფებოდნენ, მაგრამ შემთხვევის შედეგად არავინ დაშავებულა.