როგორ შემოვიკრიბოთ აუდიტორია ბრენდის გარშემო
სოციალურმა ქსელებმა მომხმარებელთან ურთიერთობის ფორმები ძირეულად შეცვალა და კომუნიკაცია დიალოგის ფორმატში გადაიყვანა. ახლა უკვე ათასობით კილომეტრით დაშორებულ მომხმარებელთან შეგვიძლია მარტივად შევიდეთ კომუნიკაციაში, გავუზიაროთ ჩვენი შეფასებები, მათიც მოვისმინოთ და დიალოგი ვაწარმოოთ.
მიუხედავად იმისა, რომ გლობალიზაციამ ადამიანებთან კომუნიკაცია გაამარტივა, მნიშვნელოვნად გაზარდა კონკურენციაც. სწორედ ამიტომ, ჩვენ უნდა შევძლოთ და ათასობით ალტერნატივას შორის მომხმარებელს ჩვენი შემჩნევა გავუმარტივოთ და გავუჩინოთ ერთგვარი ემოციური ბმა ჩვენი ბრენდის მიმართ, რათა ის გრძელვადიან პერსპექტივაშიც გამოგვყვეს — აქ მნიშვნელოვანია უწყვეტი კავშირი, რათა რომელიმე მხარემ იმედგაცრუებას არ იწვნიოს.
თუ ბრენდის შექმნის პროცესში ხარ, სოციალური მედიის სტრატეგიის შემუშავებას საკმარისი დრო დაუთმე. შეიმუშავე საკომუნიკაციო თემები, თუმცა მანამდე კარგად გაიაზრე საკუთარი ბრენდის ფილოსოფია, მისია, ხედვა, ღირებულებები და მიზანი. როცა იცი, ვინ ხარ, სად ხარ და რა მიმართულებით მიდიხარ, ამ მოგზაურობაში სხვებიც მარტივად გამოგყვებიან. უნდა განსაზღვრო ისიც, თუ ვინ არის შენი ბრენდის სამიზნე აუდიტორია — ვის ესაუბრები და რა ტიპის თემები შეიძლება იყოს მათთვის საინტერესო. სტატიის მომდევნო ნაწილში სწორედ ამის შესახებ ვისაუბრებთ დაწვრილებით.
ვის ვესაუბრებით
როგორც უკვე აღინიშნა, ეფექტიანი კომუნიკაციისთვის აუცილებელია კარგად იცნობდე საკუთარი ბრენდის სამიზნე აუდიტორიას: ვინ არიან, რა სურვილები და საჭიროებები აქვთ. ყოველივე ამის ცოდნა დაგეხმარება, სწორად შეარჩიო საკომუნიკაციო თემები და ეფექტიანად წარმოაჩინო შენი ბრენდის მახასიათებლები.
რა ტიპის ფრაზებზე რეაგირებენ, როგორი ტიპის საზოგადოებაში ცხოვრობენ, რა ინტერესები და საჭიროებები აქვთ — ამ და სხვა მსგავს კითხვებზე პასუხის შემდეგ შენ შეძლებ, შეიმუშაო საკომუნიკაციო სტრატეგიები. მარტივად რომ ვთქვათ, გაიგე რისი მოსმენა სურთ შენგან და ესაუბრე მათთვის გასაგები ენით.
სასურველია, სამიზნე აუდიტორია დაიყოს სეგმენტებად. მომხმარებლების ამგვარად დაჯგუფება კიდევ უფრო გაგიმარტივებს შესაფერის, ინდივიდუალურ და მათზე მორგებული საკომუნიკაციო სტრატეგიის შექმნას. აუცილებელია იმის გააზრებაც, რომ ერთი და იგივე გზავნილი სხვადასხვა ტიპის აუდიტორიაზე სხვადასხვაგვარად მოქმედებს.
მოუსმინე მომხმარებლებს — ეს მნიშვნელოვანია. შენ უნდა იცოდე, თუ როგორი დამოკიდებულება აქვთ მათ შენი ბრენდის მიმართ. შენიშვნები, რეკომენდაციები, სურვილები — ყოველივე ამის გათვალისწინება კიდევ უფრო მეტი ლოიალური მომხმარებლის გრძელვადიან პერსპექტივაში შენარჩუნების საშუალებას მოგცემს. როდესაც მომხმარებელი გრძნობს, რომ მას უსმენენ და მის აზრს ითვალისწინებენ, ისინი ამ დროს თავს მნიშვნელოვნად გრძნობენ. ყოველთვის წაიკითხე კომენტარები და შეფასების სექციები — კომუნიკაციის ამ მარტივი მეთოდისგან კარგად შეგიძლია იხეირო.
რაზე ვისაუბროთ სოციალურ მედიაში
გაითვალისწინე, რომ მომხმარებელთან კომუნიკაციისას უნდა დაბალანსდეს გაყიდვებზე ორიენტირებული და ბრენდინგის გაძლიერებისთვის შექმნილი მასალები. თუ მომხმარებელს მხოლოდ გაყიდვებზე ვესაუბრებით, შესაძლებელია, მათთვის ჩვენი სოციალური ქსელი მოსაბეზრებელი გახდეს.
პროდუქტებისა და სერვისების წარმოჩენის პარალელურად აუცილებელია, ადამიანებს ჩვენი ბრენდის მიმართ გავუჩინოთ ემოციური ბმა, რაც საკუთარი კომპანიის ფილოსოფიის, ხედვისა და ღირებულებების წარმოჩენის გზით მიიღწევა.
მაგალითად, თუ წიგნების მაღაზია გაქვს, ნუ შემოიფარგლები მხოლოდ კონკრეტულ წიგნებზე საუბრით. ისაუბრე სხვა, უფრო ფართო თემებზეც, რისი საშუალებითაც შენს მომხმარებლებს საკუთარ ბრენდს უკეთ გააცნობ. ამ კონკრეტულ შემთხვევაში ასეთი თემები შესაძლებელია იყოს: განათლების მნიშვნელობა, ხშირი და ერთგული მომხმარებლების გაცნობა, საინტერესო ადამიანების აუდიტორიისთვის წარდგენა და ა.შ.
მსგავს თემებს რა დალევს — მთავარია, ჩაუღრმავდე საკუთარი ბრენდის შინაარსს და ამ გზით მომხმარებელთან კომუნიკაცია კიდევ უფრო საინტერესო გახადო.
ბრენდის ღირებულებები
როდესაც ბრენდის ღირებულებებზე ვსაუბრობთ, მნიშვნელოვანია, რომ მომხმარებლებისთვის ჩვენი განაცხადი დამაჯერებელი იყოს — ამას ბრენდის ღირებულებების ლეგიტიმაციასაც უწოდებენ.
იმისათვის, რომ მომხმარებლები გამოგვყვნენ, უნდა შევქმნათ სანდო გარემო და წინასწარ არჩეულ სტრატეგიას მწყობრი ნაბიჯებით მივყვეთ. აქ მნიშვნელოვანია, გადავდგათ კონკრეტული ქმედითი ნაბიჯები. ამ ნაბიჯების ნაწილი უნდა იყოს არაკომერციული, რადგან მომხმარებლებს გავუმყაროთ რწმენა, რომ ჩვენთვის მნიშვნელოვანია ღირებულებები და მხოლოდ იმ საქმით გვინდა ფული ვიშოვოთ, რომლის კეთებაც გვსიამოვნებს.
რა მუშაობს კარგად
ის, რაც მომხმარებელთა დიდ ნაწილს მოსწონს ბრენდის გულწრფელობაა. როდესაც მათთან მუდმივ კომუნიკაციაში ხარ, შენი გულწრფელობის ხარისხი მარტივად შესამჩნევია. აქვე აღსანიშნავია ერთგულების აუცილებლობაც — არასდროს უღალატო საკუთარი ბრენდის პრინციპებსა და ღირებულებებს.
მომხმარებლებთან კომუნიკაციისას განსაკუთრებული მნიშვნელობა ენიჭება აუდიტორიისთვის გასაგები ენით ურთიერთობას. მომხმარებელი არ უნდა დაიღალოს და შენგან მარტივად უნდა მიიღოს ინფორმაცია. ამასთან, როგორც უკვე აღინიშნა, მნიშვნელოვანია კარგი მოსმენის უნარი, რადგან როდესაც მომხმარებელთა აზრს ითვალისწინებ, ისინი დაფასებულად გრძნობენ თავს და ეს მათ კმაყოფილებას ზრდის.
გაითვალისწინე, რომ მომხმარებლებს უყვართ გამბედავი ბრენდები. როდესაც დგები დილემის წინაშე, დარჩე საკუთარი ღირებულებების ერთგული, თუ გადადგა საზოგადოდ მოსაწონი ნაბიჯი, გააკეთე არჩევანი პრინციპების სასარგებლოდ — ეს გრძელვადიან პერსპექტივაში ძალიან წაგადგება.
იყავი კრეატიული — დახარჯე დრო იმაზე, რომ შენი ბრენდი იყოს შემოქმედებითი. ამასთან, ყოველთვის გეჭიროს ადამიანების მაჯისცემაზე ხელი, არ დაკარგო დინამიკურობა და ყოველთვის გადადგი ნაბიჯები გარემოში მიმდინარე ცვლილებების საპასუხოდ.
შეჯამება — როგორ შემოვიკრიბოთ აუდიტორია ჩვენს გარშემო
აუდიტორიის ჩვენი ბრენდის გარშემო შემოსაკრებად იდეალური მეთოდია თემატური ჯგუფების შექმნა. საქართველოში პოპულარული სოციალური ქსელებიდან ამის შესაძლებლობას ფეისბუქი და ლინკდინი იძლევიან.
ბრენდირებული სივრცე, ანუ ჯგუფი ემსახურება ლოიალური მომხმარებლებისა და საერთო ინტერესების მქონე ადამიანების შეკრებას, რომლებსაც კონკრეტული იდეა და თემა აერთიანებთ.
ჯგუფის წევრებმა უნდა იგრძნონ, რომ თითოეული მათგანის ჩართულობა ძალიან მნიშვნელოვანია. ამას იმ შემთხვევაში მიაღწევ, თუ ჯგუფს არა შენთვის, არამედ მომხმარებლებისთვის შექმნი. იმისათვის, რომ ჯგუფის წევრებს თავი მნიშვნელოვნად აგრძნობინო, მუდმივად გაუზიარე შენი ბრენდის ექსკლუზიური სიახლეები, სთხოვე შეფასებები პროდუქტებზე და ჩაახედე კომპანიის შიდა სამზარეულოში — ეს ყველას აინტერესებს. ამასთან, შენი აუდიტორიისთვის შექმენი განსაკუთრებული შეთავაზებები, რათა ჯგუფის წევრობა მათთვის მეტად მომგებიანი და მნიშვნელოვანი გახდეს.
ბრენდის შექმნა და მის გარშემო აუდიტორიის შემოკრება საკმაოდ კომპლექსურ მუშაობას მოითხოვს. ამ პროცესში თეორიული ცოდნა და სხვა ბრენდების პრაქტიკული გამოცდილების გაზიარებაც დაგჭირდება. თუ ამ თემასთან დაკავშირებით პროფესიონალების აზრი გაინტერესებს, ეწვიე საქართველოს ბანკის ბიზნესკურსს, სადაც მომხმარებლებთან ეფექტიანი კომუნიკაციის დამყარების შესახებ უფასო ლექციის მოსმენა შეგიძლია.
-
გადახედვამადონამ ტურნე უფასო კონცერტით დაასრულა, რომელსაც 1,6 მილიონი ფანი დაესწრო მადონამ ტურნე უფასო კონცერტით დაასრულა, რომელსაც 1,6 მილიონი ფანი დაესწრო
-
გადახედვანახეთ: მეცნიერებმა მდედრი ნეანდერტალელის სახე აღადგინეს ნახეთ: მეცნიერებმა მდედრი ნეანდერტალელის სახე აღადგინეს
-
-
-
გადახედვაკონკრეტულად, რა დარღვევები დაადგინა სტრასბურგის სასამართლომ 2019 წლის 20-21 ივნისის მოვლენების საქმეზე კონკრეტულად, რა დარღვევები დაადგინა სტრასბურგის სასამართლომ 2019 წლის 20-21 ივნისის მოვლენების საქმეზე
-
გადახედვაThe Boys მე-4 სეზონით ბრუნდება — ნახე ტრეილერი The Boys მე-4 სეზონით ბრუნდება — ნახე ტრეილერი
-
გადახედვაBoeing Starliner-ის ისტორიული მისია გადაიდო — როდის შედგება 1-ელი ეკიპაჟიანი ფრენა Boeing Starliner-ის ისტორიული მისია გადაიდო — როდის შედგება 1-ელი ეკიპაჟიანი ფრენა
-
-
გადახედვაროგორ იძიებს საგამოძიებო სამსახური ხაბეიშვილის ცემისა და სამართალდამცავთა შესაძლო კანონდარღვევის ფაქტებს აქციებისას — განცხადება როგორ იძიებს საგამოძიებო სამსახური ხაბეიშვილის ცემისა და სამართალდამცავთა შესაძლო კანონდარღვევის ფაქტებს აქციებისას — განცხადება
-
გადახედვარუსული კანონის დასაცავად, ხელისუფლებამ საკომუნიკაციო სტრატეგია რუსეთის დროშის ფერებში განაახლა რუსული კანონის დასაცავად, ხელისუფლებამ საკომუნიკაციო სტრატეგია რუსეთის დროშის ფერებში განაახლა
-
გადახედვაევროპარლამენტარების ღია წერილი — ისინი მიმართავენ ჯოზეფ ბორელს, შეუჩერდეს საქართველოს კანდიდატის სტატუსი ევროპარლამენტარების ღია წერილი — ისინი მიმართავენ ჯოზეფ ბორელს, შეუჩერდეს საქართველოს კანდიდატის სტატუსი
-
გადახედვა"ამბავი მარტოობასა და სიყვარულზე" — The Guardian "შაშვი შაშვი მაყვალზე" "ამბავი მარტოობასა და სიყვარულზე" — The Guardian "შაშვი შაშვი მაყვალზე"
-
გადახედვაშესაძლოა, მომავალი დეკადისთვის მთვარეზე ლევიტაციური რკინიგზა შეიქმნას შესაძლოა, მომავალი დეკადისთვის მთვარეზე ლევიტაციური რკინიგზა შეიქმნას
-
გადახედვარუსული კანონის საწინააღმდეგო საპროტესტო აქციები 7-დან 11 მაისის ჩათვლით რუსული კანონის საწინააღმდეგო საპროტესტო აქციები 7-დან 11 მაისის ჩათვლით
-
გადახედვასტრასბურგის სასამართლომ ე.წ. "გავრილოვის ღამის" საქმეზე დარღვევა დაადგინა — საია სტრასბურგის სასამართლომ ე.წ. "გავრილოვის ღამის" საქმეზე დარღვევა დაადგინა — საია
-
-
-
გადახედვათბილისის მერიის განცხადება: უხვი ნალექისგან, დედაქალაქის სხვადასხვა რაიონში პრობლემები შეიქმნა თბილისის მერიის განცხადება: უხვი ნალექისგან, დედაქალაქის სხვადასხვა რაიონში პრობლემები შეიქმნა
-
გადახედვაკავკასიის უნივერსიტეტი: ვეწინააღმდეგებით ნებისმიერ ინიციატივებს თუ კანონებს, რომლებმაც, შეიძლება, ზიანი მიაყენონ ჩვენი ქვეყნის სუვერენიტეტს კავკასიის უნივერსიტეტი: ვეწინააღმდეგებით ნებისმიერ ინიციატივებს თუ კანონებს, რომლებმაც, შეიძლება, ზიანი მიაყენონ ჩვენი ქვეყნის სუვერენიტეტს
-
გადახედვაკანონი ძირს გამოუთხრის ამერიკა-საქართველოს ურთიერთობას — სახელმწიფო დეპარტამენტი კანონი ძირს გამოუთხრის ამერიკა-საქართველოს ურთიერთობას — სახელმწიფო დეპარტამენტი
-
გადახედვა700-ზე მეტი მასწავლებელი ლადო აფხაზავას სოლიდარობას უცხადებს 700-ზე მეტი მასწავლებელი ლადო აფხაზავას სოლიდარობას უცხადებს
კომენტარები