პარლამენტის საგაზაფხულო სესიის პლენარულ სხდომაზე, დეპუტატების რეგისტრაციისას კვორუმი არ შედგა და მხოლოდ 67 დამსწრე დეპუტატი დაფიქსირდა, სხდომის გასახსნელად კი 76-ია საჭირო.

სხდომის თავმჯდომარემ კოლეგებს მოუწოდა რამდენიმე წუთში ისევ შეკრებილიყვნენ და განმეორებითი რეგისტრაცია გაევლოთ.

დღეს, რიგი განსახილველი საკითხები იყო ჩანიშნული დღის წესრიგით, მათ შორის ფარული საგამოძიებო მოქმედებების შესახებ კანონზე პრეზიდენტის მოტივირებული შენიშვნები და მასზე კენჭისყრა.

პარლამენტის რეგლამენტის მიხედვით, თუ განმეორებით კენჭისყრისასაც არ აღმოჩნდა პარლამენტის წევრთა საკმარისი რაოდენობა, მომდევნო 45 წუთის განმავლობაში სხდომის თავმჯდომარე ატარებს ხელახალ რეგისტრაციას. თუ არც ამ შემთხვევაში აღმოჩნდა პარლამენტის წევრთა საკმარისი რაოდენობა, რეგისტრაცია იმავე პროცედურით ტარდება საღამოს სხდომაზე. განსაკუთრებულ შემთხვევაში სხდომის თავმჯდომარე უფლებამოსილია მიიღოს სხვა გადაწყვეტილება.