ქართული ოცნების დეპუტატის, მამუკა მდინარაძის განცხადებით, აქვთ "კონკრეტული ინფორმაცია", რომ ექსპრეზიდენტი, მიხეილ სააკაშვილი უკრაინიდან არსად არ გასულა, მათ შორის, არც სხვა ქვეყანაში. ამის შესახებ მან ჟურნალისტებთან ისაუბრა.

"ჩვენ გვაქვს კონკრეტული ინფორმაცია, რომ უკრაინიდან ეს ადამიანი არსად არ გასულა, სხვა ქვეყანაშიც არ გადასულა. ეს ადამიანი არის უკრაინაში, შემძვრალია სადღაც სოროში და ემალება ყველას, რომ შექმნას ილუზია, რომ თითქოს არის საქართველოში", — აცხადებს ის.

ჟურნალისტის კითხვაზე, აქვს თუ არა მმართველ პარტიას ეს ინფორმაცია უკრაინის სპეცსამსახურებისგან, ის პასუხობს: "ეს თქვენი საქმე არ არის, საიდან გვაქვს ინფორმაცია".

დღეს, პირველ ოქტომბერს მიხეილ სააკაშვილმა Facebook-ზე პოსტი გამოაქვეყნა რომელმაც შექმნა ვარაუდი, რომ შესაძლოა, ის უკვე საქართველოშია. ამასთან, მან გაავრცელა ორი ვიდეოც, სადაც ამბობს, რომ ბათუმშია, ფონად კი ქალაქის ხედი ჩანს.

შინაგან საქმეთა სამინისტროში ამბობენ, რომ ექსპრეზიდენტს ქვეყნის საზღვარი არ გადმოუკვეთავს. ქართული ოცნების თავმჯდომარე ირაკლი კობახიძე კი ამტკიცებს, რომ სააკაშვილი საქართველოში არ არის, მისი ვიდეოები ფეიკია და იმაზე უფრო მარტივი ტექნოლოგიითაა გაკეთებული, ვიდრე DeepFake. მის პასუხად სააკაშვილის თანაგუნდელები ამბობენ, რომ ის ნამდვილად ჩამოვიდა,

აღსანიშნია ისიც, რომ 27 სექტემბერს სააკაშვილმა სოციალურ ქსელში გამოაქვეყნა კიევი-თბილისის თვითმფრინავის ბილეთი, რომლის მიხედვითაც 2 ოქტომბერს, დედასთან, გიული ალასანიასთან ერთად უნდა ჩამოფრენილიყო.

ამავე თემაზე: