განათლების სამინისტროს ინფორმაციით, საჯარო სკოლების მოსწავლეებს საშუალება ექნებათ დასწრებით და დისტანციური სწავლების ფორმას შორის აირჩიონ. თუ მოსწავლეების ან მშობლები გადაწყვეტენ, რომ საკლასო ოთახის ნაცვლად, ისევ დისტანციური სწავლების გაგრძელება სურთ, საჭიროა გაიარონ რეგისტრაცია ვებგვერდზე — https://online.emis.ge.

მშობლები მოსწავლეების დარეგისტრირებას 30 სექტემბრიდან 1-ლი ოქტომბრის ჩათვლით, 00:00-23:59 საათის შუალედში შეძლებენ. ამასთან, ონლაინ სწავლების მსურველებს განაცხადის შევსება ან რეგისტრაციის გაუქმება ყოველ ხუთშაბათს 00:00-დან 18:00-მდე შეეძლებათ.

დამატებითი ინფორმაციის მისაღებად, ვებგვერდზე მითითებულია ცხელი ხაზის ნომერი: : 2 200 220.

განათლების სამინისტროს გადაწყვეტილებით, მასწავლებლები, რომლებსაც მოუწევთ დისტანციური გაკვეთილების დამატებით ჩატარება, შესაბამის დანამატს მიიღებენ.

საკოორდინაციო საბჭოს გადაწყვეტილებით, 4 ოქტომბრიდან სასწავლო პროცესი საკლასო ოთახებსა და აუდიტორიებში განახლდება.

საქართველოს მასშტაბით საჯარო და კერძო სკოლებმა, ასევე პროფესიულმა სასწავლებლებმა და უმაღლესმა საგანმანათლებლო დაწესებულებებმა 15 სექტემბერს სწავლას დისტანციურ რეჟიმში დაიწყეს. ამ ფორმატით სწავლა 4 ოქტომბრამდე გაგრძელდება