საქართველოს იუსტიციის მინისტრი, რატი ბრეგაძე ფიქრობს, რომ პენიტენციური სამსახურის ადამიანის უფლებათა დაცვის მიმართულებით სამაგალითო უწყებაა. ამის შესახებ მან სპეციალური პენიტენციური სამსახურის პროფესიული დღისადმი მიძღვნილ ღონისძიებაზე განაცხადა.

აღსანიშნავია, რომ რამდენიმე თვის წინ სახალხო დამცველმა, ნინო ლომჯარიამ სპეციალური ბრიფინგი გამართა, სადაც ისაუბრა ე.წ ციხის მაყურებლებების მიერ ციხეებში მოჩვენებითი წესრიგის უზრუნველყოფასა და "კრიმინალური სუბკულტურის" გავლინებებზე.

ლომჯარია მაშინ ამბობდა, რომ სახალხო დამცველის აპარატის წარმომადგენლებისთვის პენიტენციურ დაწესებულებებში ვიზიტებისა და მონიტორინგის განხორციელება არამარტო გართულდა, არამედ საფრთხის შემცველიც გახდა. ომბუდსმენის ინფორმაციით, რომ ე.წ კრიმინალური სუბკულტურა ციხის ადმინისტრაციის მიერ მართული პატიმართა ჯგუფია, რომლებიც სახალხო დამცველის აპარატის წარმომადგენლების მიმართ აგრესიულები არიან, თავს ესხმიან და ემუქრებიან მათ.