საქართველოს ტერიტორიულ წყლებში ნატოს ხომალდები შემოვიდნენ. შინაგან საქმეთა სამინისტროს განცხადებით, ბათუმის პორტში ესპანეთის (ფლაგმანი), იტალიის, ბულგარეთის, რუმინეთისა და თურქეთის სამხედრო-საზღვაო ძალების ხომალდებია შემოსული.

უწყების ცნობით, ვიზიტის ფარგლებში, საქართველოს სანაპირო დაცვის დეპარტამენტისა და ნატოს საზღვაო შენაერთის ხომალდების მონაწილეობით, შავ ზღვაში ერთობლივი წვრთნები გაიმართება.

ფოტო: შინაგან საქმეთა სამინისტრო/Facebook

ფოტო: შინაგან საქმეთა სამინისტრო/Facebook

ფოტო: შინაგან საქმეთა სამინისტრო/Facebook

ნატოს მუდმივმოქმედ მეორე ნაღმსაწინააღმდეგო შენაერთს (SNMCMG2) შინაგან საქმეთა სამინისტროს სასაზღვრო პოლიციის სანაპირო დაცვის დეპარტამენტი მასპინძლობს. დაგეგმილია სანაპირო დაცვის დეპარტამენტის აბორდაჟის ჯგუფების ნატოს სერტიფიცირების მეორე დონის შეფასების მეორე საფეხურის [NEL-2] გავლა, რაც შეფასების 4-წლიანი პროცესის ბოლო ფაზას წარმოადგენს.

შსს-ის განცხადებით, ნატოს საზღვაო შენაერთის ვიზიტები საქართველოს პორტებში რეგულარულ ხასიათს ატარებს. 2021 წელს ნატოს ხომალდები საქართველოს უკვე მეორედ სტუმრობენ.