Avengers: Endgame-მა Avatar-ს გადაასწრო და კვლავ ყველაზე შემოსავლიანი ფილმი გახდა ისტორიაში. ეს ორი ფილმი პირველობის ტიტულისთვის უკვე წლებია, იბრძვის.

Disney-ს მიერ Avengers: Endgame-ის კინოთეატრებში ხელახლა გამოშვების წყალობით, 2019 წლის ფილმმა მსოფლიო მასშტაბით ჯამში $2.925 მილიარდის შემოსავალი დააგროვა. ეს ოდნავ აღემატება 2009 წლის Avatar-ის მაჩვენებელს, რომელმაც ხუთი განმეორებითი ჩვენების შემდეგ $2.923 მილიარდი გამოიმუშავა.

ფოტო: Disney+

Avatar მთელი ათწლეულის განმავლობაში ინარჩუნებდა ყველა დროის ყველაზე მაღალშემოსავლიანი ფილმის სტატუსს, სანამ 2019 წელს რეკორდი Avengers: Endgame-მა არ მოხსნა. Avengers: Endgame რეიტინგში 2021 წელს ჩამოქვეითდა, როდესაც 2022 წლის Avatar: The Way of Water-ის გამოსვლამდე კინოთეატრებში Avatar დაბრუნდა. ხუთი წლის შემდეგ კი შურისმაძიებლებმა კვლავ გაიმარჯვეს.

აღსანიშნავია, რომ ყველაზე შემოსავლიანი 10 ფილმიდან 7 Disney-ს ეკუთვნის, მათ შორის: Avatar: The Way of Water ($2.33 მილიარდი), Titanic ($2.26 მილიარდი) და Avengers: Infinity War ($2.05 მილიარდი).

Avengers: Endgame კი კინოთეატრებში შურისმაძიებელთა ახალი ფილმის — Avengers: Doomsday-ს გამოსვლამდე დაბრუნდა. Doomsday-ს პრემიერა დეკემბერში შედგება.

ასევე იხილეთ: