ცენტრალურ საარჩევნო კომისიაში (ცესკო) გამართულ ბრიფინგზე ცესკოს სპიკერმა, ნათია იოსელიანმა კენჭისყრის მიმდინარეობისა და ამომრჩეველთა აქტივობის შესახებ უახლესი მონაცემები წარადგინა.

მისი თქმით, 15:00 საათის მდგომარეობით, საარჩევნო უბნებზე ჯამში 901 ამომრჩეველი მივიდა, რაც აქტივობის 40.49%-ს შეადგენს. მუნიციპალიტეტების მიხედვით მაჩვენებლები ასე გამოიყურება:

დმანისი: 49.05% (129 ამომრჩეველი);

ვანი: 48.16% (327 ამომრჩეველი);

წალკა: 34.82% (352 ამომრჩეველი);

ახმეტა: 34.19% (93 ამომრჩეველი);

ბრიფინგზე აღინიშნა, რომ კენჭისყრის პროცესი მშვიდ ვითარებაში მიმდინარეობს, ხოლო ჯანმრთელობის მდგომარეობის გამო უბანზე მისვლას ვინც ვერ ახერხებს, გადასატანი საარჩევნო ყუთის სერვისით სარგებლობს.

ცესკომ კიდევ ერთხელ შეახსენა საზოგადოებას კანონმდებლობით დადგენილი შეზღუდვები: კენჭისყრის შენობაში და მის მიმდებარე ტერიტორიებზე აკრძალულია აგიტაცია, ამომრჩეველთა გადაადგილების შეფერხება, ადამიანთა შეკრება ან აღრიცხვა, ასევე 20:00 საათამდე იკრძალება წინასაარჩევნო რეკლამების გავრცელება და საზოგადოებრივი აზრის გამოკითხვის შედეგების გამოქვეყნება.