მოლდოვის ტერიტორიაზე დრონები აფეთქდა. ამის შესახებ ინფორმაციას ადგილობრივი მედია ავრცელებს.

მათი ცნობით, 3 ოქტომბერს დილით, მოლდოვის ეროვნული საჰაერო სივრცის მონიტორინგის სისტემამ რამდენიმე უპილოტო საფრენი აპარატის (დრონის) გადაფრენა დააფიქსირა. დილის 7:45-დან 8:00 საათამდე პერიოდში ქვეყნის საჰაერო სივრცე 5-მა დრონმა გადაკვეთა.

მონიტორინგის მონაცემებით, აფეთქებები დაფიქსირდა სოფელ კროკმაზის (შტეფან-ვოდას რაიონი), დელაკაუს, ფუჰაჩენის, ანენ-ნოის, ბოზიენის, ჰინჩეშტის, აგრეთვე დუბოვკას, კონსტანტინოვკისა და კაუშენის სიახლოვეს. თავდაცვის სამინისტრომ განმარტა, რომ ინციდენტი უკრაინაში რუსეთის მასშტაბური საჰაერო დარტყმების ფონზე მოხდა.

ინცინდენტის შედეგად არავინ დაშავებულა.