ეტლით ფარიკაობაში მსოფლიო ჩემპიონის ტიტული ქართველმა სპორტსმენმა, ირმა ხეცურიანმა მოიპოვა.

ირმა ხეცურიანი, სპორტსმენი, ეტლით მოფარიკავე.

ფოტო: საქართველოს სპორტისა და ახალგაზრდობის საქმეთა სამინისტრო

საქართველოს სპორტისა და ახალგაზრდობის სამინისტროს ცნობით, იტალიის ქალაქ პიზაში, მსოფლიო თასზე, ხეცურიანმა ფინალში გერმანელი მეტოქე ანგარიშით - 15:4 დაამარცხა და ოქროს მედალი მოიპოვა. ეს ირმა ხეცურიანის მეხუთე ოქროა კარიერაში.

სამინისტროს ინფორმაციით, რაპირით ფარიკაობაში ბრინჯაოს მედალს დაეუფლა საქართველოს ეტლით მოფარიკავეთა ნაკრების კიდევ ერთი წევრი - ნინი თიბილაშვილიც.