დმანისში ოპოზიციის აქტივისტების დაჭრის საქმეზე დაკავებულ ქართული ოცნების მაჟორიტარობის კანდიდატის, მიხეილ დათუაშვილის შვილს, დავით დათუაშვილს აღკვეთი ღონისძიების სახით პატიმრობა შეეფარდა. აღნიშნული On.ge-ის ბოლნისის საქალაქო სასამართლოში დაუდასტურეს.

დათუაშვილის ადვოკატის თქმით, ბრალდებული მომხდარ ფაქტს აღიარებს, თუმცა ყველანაირ პოლიტიკურ მოტივს უარყოფს.

დაპირისპირება დმანისში 21 სექტემბერს წინასაარჩევნო შეხვედრის დროს მოხდა. ქართული ოცნების მხარდამჭერები ოპოზიციის წარმომადგენლებს ჯერ სიტყვიერად, შემდეგ კი ფიზიკურად დაუპირისპირდნენ, დაჭრილია 2 ადამიანი.

პარტია პროგრესი და თავისუფლების ლიდერმა მიხეილ დაუთაშვილის შვილი მომხდარში გუშინვე დაადანაშაულა, თუმცა მაშინ "ოცნების" კანდიდატმა მისი შვილის ადგილზე ყოფნა უარყო.

ენმ-მ მომხდარზე პასუხისმგებლობა ქართულ ოცნებას დააკისრა. თუმცა ქართული ოცნების თავმჯდომარე, ირაკლი კობახიძემ განაცხადა: "კაცმა დაჭრა, დეგენერატმა ვიღაც კაცი, რა პასუხისმგებლობა უნდა ავიღო".

შვილის დაკავების შემდეგ მიხეილ დაუთაშვილი ამტკიცებს, რომ დაპირისპირება კახა ოქრიაშვილის მხარდამჭერებმა გამოიწვიეს და "პროვოკაციაზე წამოაგეს". მისი თქმით, შვილმა დაინახა, რომ მამას ურტყამდნენ და აფექტის მდგომარებაში მოიქცა ასე. მისივე თქმით, ის პოლიციას თავად ჩაბარდა, შსს-ს განცხადებაში კი ვკითხულობთ, რომ ის მომხდარიდან რამდენიმე საათში, დმანისის მუნიციპალიტეტში დააკავეს.

ამავე თემაზე: