დმანისში ქართული ოცნების მაჟორიტარობის კანდიდატი მიხეილ დაუთაშვილი არ გამორიცხავს, რომ დაზიანებები ერთმანეთისთვის თვითონ მიეყენებინათ. მისივე თქმით, მომხდარი პარტია პროგრესი და თავისუფლების ლიდერის კახა ოქრიაშვილის დაგეგმილი იყო.

"კახა ოქრიაშვილის დაგეგმილი თემა იყო. გამოიარეს სიგნალებით, შეურაცხყოფებით. [...] ჩემი შვილი მე დღესაც არ მინახავს სად არის და როგორ გაარკვიეთ, რომ ჩემი შვილი იყო არ ვიცი. თუ ეგრე მიაჩნიათ თვითონ, რომ მაინცდამაინც ჩემი შვილი უნდა იყო ყოფილიყო არ ვიცი. მაგრამ იქნებ მიამსგავსეს, იქნებ ის მარა ფაქტია, რომ არ ყოფილა და არ მინახავს. [...]

შეიძლება, თვითონ დააზარალეს ერთმანეთი, ერთმანეთში მოხდა რაღაც შელაპარაკება და თვითონ მიაყენეს ერთმანეთს ფიზიკური და სიტყვიერი შეურაცხყოფა", — ამბობს მიხეილ დაუთაშვილი.

დღეს, 21 სექტემბერს დმანისში ოპოზიციის ამომრჩეველთან შეხვედრის დროს დაპირისპირება მოხდა. გავრცელებულ კადრებში ჩანს, რომ რამდენიმე პირი ერთმანეთს ჯერ სიტყვიერად, შემდეგ კი ფიზიკურად უპირისპირდება.

ნაციონალური მოძრაობა მომხდარზე პასუხიმგებლობას მმართველ პარტიის წევრებს აკისრებს და მონაწილე პირების დაუყოვნებლი დაკავებას მოითხოვს.